Vengriia biligi Reseidiń gaz ben munaidy rýblmen satý júiesin qabyldady, - dep habarlaidy Tengrinews.kz agenttigi NU saityna silteme jasap.
Bul týraly respýblikanyń syrtqy ister ministri Peter Siiiarto málimdedi. Onyń aitýynsha, Vengriiada "basqa tańdaý joq", óitkeni el gazdyń 85 paiyzyn jáne munaidyń 65 paiyzyn Reseiden alady.
"Gazdyń 85 paiyzy, munaidyń 65 paiyzy Reseiden keledi. Nege? Óitkeni ony infraqurylym anyqtaidy. Mundai jaǵdaidy biz tańdaǵan joqpyz, bul kóńil kóterý úshin emes", - dedi ol CNN telearnasyna bergen suhbatynda.
Siiiarto Vengriiada aldaǵy birneshe jylda reseilik energiia resýrstaryn importtaýdy toqtatýǵa múmkindik beretin balama kózder joq ekenin atap ótti. Onyń aitýynsha, el biligi reseilik gazdyń aqysyn tóleý úshin "Gazprombankte" eýrony rýblge aiyrbastap jatyr.
Vengriia syrtqy ister ministri Bolgariia arqyly tranzitpen elge gaz jetkizý qalypty rejimde jalǵasyp jatqanyn atap ótti.
Buǵan deiin Resei prezidenti Vladimir Pýtin Eýropa elderi men AQSh-qa kógildir otyndy Resei rýblimen satý týraly sheshimin jariialaǵan bolatyn. Pýtin Resei tabiǵi gazdy buryn jasalǵan kelisimshartta bekitilgen kólem men baǵa belgileý qaǵidattaryna sáikes jetkizetinin atap ótti.
