Búgin Túrkistan oblysy ákiminiń mindetin atqarýshy Darhan Satybaldy Vengriianyń Qazaqstandaǵy tótenshe jáne ókiletti elshisi Otto Ivan Ronamen kezdesti, dep habarlaidy «Ult aqparat» oblys ákimdiginiń baspasóz qyzmetine silteme jasap.
Óńir basshysynyń mindetin atqarýshy Qazaqstan men Vengriia arasyndaǵy bailanystyń joǵary deńgeide ekenin aita kele Vengriia investitsiiasyn tartýǵa, eki jaqty qarym-qatynasty tereńdete túsýge múddeli ekenin aitty.
«Búgin bizdiń oblys pen Vengriia arasyndaǵy ekijaqty qarym-qatynastardy damytýǵa qatysty pikir almasýǵa jaqsy múmkindigimiz bar. Ózderińiz biletindei, 2018 jylǵy Túrkistan oblysy quryldy, onyń ákimshilik ortalyǵy Túrkistan qalasy bolyp bekitildi. Qalaǵa oblys ortalyǵy mártebesin berý qalaǵa ǵana emes, búkil óńirge investitsiia tartýǵa aitarlyqtai serpin berdi. Nátijesinde ótken jyly investitsiia kólemi 60% - ǵa ósip, 1,7 mlrd. AQSh dollaryn qurady. Biz Vengriia investorlaryn qarsy alýǵa, birlese jumys isteýge daiynbyz. Bul rette «TURAN» arnaiy ekonomikalyq aimaǵy qurylyp jatyr. Aýyl sharýashylyǵy boiynsha óńirdiń áleýeti zor. Investitsiiamen qatar mádeniet, bilim salalarynda da áriptestik ornatýdy jón dep bilemin. Osyndai kezdesýler arqyly bailanystar kókjiegi keńeie túsedi», – dedi Darhan Satybaldy.
Vengriianyń Qazaqstandaǵy tótenshe jáne ókiletti elshisi Otto Ivan Rona da Túrkistandaǵy múmkindikterdi qarastyryp, óz eliniń biznes ókilderine málimet usynatynyn jetkizdi.
«Jańa Qazaqstandy qurý úrdisi júrip jatqanyn bilemiz. Túrkistannyń tarihi róli týraly da habardarmyz. Jalpy Vengriia men Qazaqstannyń tarihynda ortaq dúnieler bar. Arnaiy ekonomikalyq aimaqtaryńyz ben usynylatyn múmkindikter týraly tolyq aqparat berseńizder ony zerdeleýge daiynbyz. Árine, bizneske tikelei áser ete almaspyz, biraq eki ortada bailanys ornatýshy retinde investitsiia salýǵa da, tartýǵa da niettimiz. Biz aqparattyq tehnologiia, aýyl sharýashylyǵy, farmatsevtika, balyq sharýashylyǵy, júgeri sharýashylyǵy, qus fabrikalaryn damytý boiynsha usynystar bere alamyz dep oilaimyn. Kelesi kezdesýimizde naqty usynystardy qarastyryp, kelisim jasaimyz degen senimdemin», – dedi Vengriia elshisi.
Kezdesý sońynda eki tarap estelik syilyqtar almasyp, ekijaqty bailanysty nyǵaita túsý jóninde ýaǵdalasty.
