Venesýelalyq dárigerler Reseide jasalǵan «Spýtnik V» vaktsinasynyń klinikalyq synaǵyna qatysqan eriktilerde eshqandai kúrdeli asqyný tirkelmegenin málim etti. Bul týraly jeksenbi kúni Ońtústik Amerika elindegi vaktsinanyń zerttelýin basqaratyn venesýelalyq dáriger Aleksis Garsiia Pinera málim aitty, dep habarlaidy "Ult aqparat".
«Alǵashqy dozany 200-den astam erikti, onyń eki komponentin 40 adam qabyldady», - dedi dáriger Venesýela prezidenti Nikolasa Madýronyń Twitter-degi paraqshasynda jasalǵan transliatsiia barysynda.
Onyń aitýynsha, eriktilerde tumaýratý, bas aýrýy nemese egpe ornynyń aýyrsynýy sekildi tek jeńil asqyný anyqtalǵan.
Pinera sonymen qatar elde «aýyr asqyný nemese eriktiniń ólimi» tirkelmegenin aitty.
«Bizdiń nátijelerimiz ǵylymi jariialanymdarda jáne Resei men Argentinadaǵy vaktsinatsiia nátijelerimen sáikes keledi», - dedi dáriger.
Byltyr jeltoqsan aiynda Ońtústik Amerika eliniń vitse-prezidenti Delsi Rodriges Resei tarapymen koronavirýsqa qarsy «Spýtnik V» vaktsinasynyń 10 million dozasyn jetkizý týraly kelisimge qol qoidy. Al, buǵan deiin Karakas klinikalyq zertteýdiń úshinshi kezeńine qatysý úshin reseilik vaktsinanyń 2 myń dozasyn alǵany habarlanǵan bolatyn.
