Venada 2 qarashada tórt adamdy atyp óltirgen adam baryp júrgen eki meshit jabylady. Qala basshylyǵynyń bul sheshimin integratsiia ministri Siýzanne Raab aitty dep habarlaidy Reuters.
Juma, 6 qarasha kúni meshitterde tintý júrgen. Raab bul áreketterdiń dinge senetinderge qysym bolyp sanalmaitynyn aitty.
Avstriia basshylyǵynyń pikiri boiynsha, eki meshittiń de jamaǵaty islamnyń radikal baǵytyn ustanǵan. 20 jastaǵy Avstriia jáne Soltústik Makedoniia azamaty Kýitim Feizýlai da solardyń qatarynda bolǵan. Ótken dúisenbide ol Venanyń ortalyǵynda demalyp júrgenderge oq atqan.
Birneshe minýttan soń onyń ózin politseiler atyp óltirdi. Feizýlaidyń áreketteri terakt dep baǵalandy. Politseiler qylmystyń izi boiynsha úlken operatsiia júrgizip, 15 adamdy qamaýǵa alǵan. Vena prokýratýrasy taǵy segiz adamdy tutqyndaýdy talap etip otyr.
- 2019 jylǵy sáýirde Kýitim Feizýlai «Islam memleketiniń» (Qazaqstanda jáne álemniń kóp elinde tyiym salynǵan terrorlyq uiym) qatarynda soǵysý úshin Siriiaǵa ketpek bolǵany úshin 22 aiǵa bas bostandyǵynan aiyrý jazasyna kesilgen. Ol túrmede tek segiz ai otyryp, byltyrǵy jeltoqsanda bostandyqqa shyqqan.
- Avstriia ishki ister ministriniń aitýynsha, Feizýlai «radikal kózqarastardy ózgertetin» oqytý kýrstaryn qatysqan. Soǵan qaramastan, "Avstriia qoǵamyna birtindep sińisip jatqandai kóringen Feizýlai radikal ideialardyń jeteginde qala bergen".
- Germaniia politsiiasy 6 qarashada Kýitim Feizýlaimen bailanysy bar degen kúdikke ilingen adamdardyń úileri men keńselerinde tintý júrgizdi.
