ۆەنادا 2 قاراشادا تٶرت ادامدى اتىپ ٶلتٸرگەن ادام بارىپ جٷرگەن ەكٸ مەشٸت جابىلادى. قالا باسشىلىعىنىڭ بۇل شەشٸمٸن ينتەگراتسييا مينيسترٸ سيۋزاننە رااب ايتتى دەپ حابارلايدى Reuters.
جۇما, 6 قاراشا كٷنٸ مەشٸتتەردە تٸنتۋ جٷرگەن. رااب بۇل ەرەكەتتەردٸڭ دٸنگە سەنەتٸندەرگە قىسىم بولىپ سانالمايتىنىن ايتتى.
اۆسترييا باسشىلىعىنىڭ پٸكٸرٸ بويىنشا, ەكٸ مەشٸتتٸڭ دە جاماعاتى يسلامنىڭ راديكال باعىتىن ۇستانعان. 20 جاستاعى اۆسترييا جەنە سولتٷستٸك ماكەدونييا ازاماتى كۋيتيم فەيزۋلاي دا سولاردىڭ قاتارىندا بولعان. ٶتكەن دٷيسەنبٸدە ول ۆەنانىڭ ورتالىعىندا دەمالىپ جٷرگەندەرگە وق اتقان.
بٸرنەشە مينۋتتان سوڭ ونىڭ ٶزٸن پوليتسەيلەر اتىپ ٶلتٸردٸ. فەيزۋلايدىڭ ەرەكەتتەرٸ تەراكت دەپ باعالاندى. پوليتسەيلەر قىلمىستىڭ ٸزٸ بويىنشا ٷلكەن وپەراتسييا جٷرگٸزٸپ, 15 ادامدى قاماۋعا العان. ۆەنا پروكۋراتۋراسى تاعى سەگٸز ادامدى تۇتقىنداۋدى تالاپ ەتٸپ وتىر.
- 2019 جىلعى سەۋٸردە كۋيتيم فەيزۋلاي «يسلام مەملەكەتٸنٸڭ» (قازاقستاندا جەنە ەلەمنٸڭ كٶپ ەلٸندە تىيىم سالىنعان تەررورلىق ۇيىم) قاتارىندا سوعىسۋ ٷشٸن سيريياعا كەتپەك بولعانى ٷشٸن 22 ايعا باس بوستاندىعىنان ايىرۋ جازاسىنا كەسٸلگەن. ول تٷرمەدە تەك سەگٸز اي وتىرىپ, بىلتىرعى جەلتوقساندا بوستاندىققا شىققان.
- اۆسترييا ٸشكٸ ٸستەر مينيسترٸنٸڭ ايتۋىنشا, فەيزۋلاي «راديكال كٶزقاراستاردى ٶزگەرتەتٸن» وقىتۋ كۋرستارىن قاتىسقان. سوعان قاراماستان, "اۆسترييا قوعامىنا بٸرتٸندەپ سٸڭٸسٸپ جاتقانداي كٶرٸنگەن فەيزۋلاي راديكال يدەيالاردىڭ جەتەگٸندە قالا بەرگەن".
- گەرمانييا پوليتسيياسى 6 قاراشادا كۋيتيم فەيزۋلايمەن بايلانىسى بار دەگەن كٷدٸككە ٸلٸنگەن ادامداردىڭ ٷيلەرٸ مەن كەڭسەلەرٸندە تٸنتۋ جٷرگٸزدٸ.
