QR Premer-Ministriniń orynbasary E. Toǵjanovtyń tóraǵalyǵymen ótken Vedomstvoaralyq komissiianyń otyrysynda Memleket basshysynyń tapsyrmalaryn oryndaý boiynsha birqatar sheshim qabyldady, dep habarlaidy "Ult aqparat" primeminister.kz-ke silteme jasap.
«Shymkent qalasy, Aqmola, Aqtóbe jáne Batys Qazaqstan oblystarynyń ákimdikterine turaqtandyrý qorlaryndaǵy dárilik zattar rezerviniń kólemin ulǵaitý tapsyryldy», delingen habarlamada.
Eske sala ketsek, Memleket basshysy Qasym-Jomart Toqaev koronavirýs indetiniń ekinshi kezeńine daiyndyq máseleleri boiynsha keńeste Úkimet múshelerine dári-dármek boiynsha turaqtandyrý qorlaryn belgilengen normativke sáikes jasaqtaýdy tapsyrǵan edi.
«Biz jaz ailarynda dári-dármek tapshylyǵyn aiqyn sezindik. Meniń tapsyrmam boiynsha naqty jumys atqaryldy. Atap aitqanda, eki aiǵa jetetin qor jasaqtalyp, eń qajetti degen dári-dármektiń tizimi ulǵaityldy. Ony syrttan ákelý jáne tirkeý tártibi jeńildetildi. Biraq, óńirlerde dári-dármekterdi turaqtandyrý qorlarynyń kólemi jáne daiyndyq jumystary birkelki emes», degen edi Prezident.
