قر پرەمەر-مينيسترٸنٸڭ ورىنباسارى ە. توعجانوۆتىڭ تٶراعالىعىمەن ٶتكەن ۆەدومستۆوارالىق كوميسسييانىڭ وتىرىسىندا مەملەكەت باسشىسىنىڭ تاپسىرمالارىن ورىنداۋ بويىنشا بٸرقاتار شەشٸم قابىلدادى, دەپ حابارلايدى "ۇلت اقپارات" primeminister.kz-كە سٸلتەمە جاساپ.
«شىمكەنت قالاسى, اقمولا, اقتٶبە جەنە باتىس قازاقستان وبلىستارىنىڭ ەكٸمدٸكتەرٸنە تۇراقتاندىرۋ قورلارىنداعى دەرٸلٸك زاتتار رەزەرۆٸنٸڭ كٶلەمٸن ۇلعايتۋ تاپسىرىلدى», دەلٸنگەن حابارلامادا.
ەسكە سالا كەتسەك, مەملەكەت باسشىسى قاسىم-جومارت توقاەۆ كوروناۆيرۋس ٸندەتٸنٸڭ ەكٸنشٸ كەزەڭٸنە دايىندىق مەسەلەلەرٸ بويىنشا كەڭەستە ٷكٸمەت مٷشەلەرٸنە دەرٸ-دەرمەك بويىنشا تۇراقتاندىرۋ قورلارىن بەلگٸلەنگەن نورماتيۆكە سەيكەس جاساقتاۋدى تاپسىرعان ەدٸ.
«بٸز جاز ايلارىندا دەرٸ-دەرمەك تاپشىلىعىن ايقىن سەزٸندٸك. مەنٸڭ تاپسىرمام بويىنشا ناقتى جۇمىس اتقارىلدى. اتاپ ايتقاندا, ەكٸ ايعا جەتەتٸن قور جاساقتالىپ, ەڭ قاجەتتٸ دەگەن دەرٸ-دەرمەكتٸڭ تٸزٸمٸ ۇلعايتىلدى. ونى سىرتتان ەكەلۋ جەنە تٸركەۋ تەرتٸبٸ جەڭٸلدەتٸلدٸ. بٸراق, ٶڭٸرلەردە دەرٸ-دەرمەكتەردٸ تۇراقتاندىرۋ قورلارىنىڭ كٶلەمٸ جەنە دايىندىق جۇمىستارى بٸركەلكٸ ەمەس», دەگەن ەدٸ پرەزيدەنت.
