COVID-19-dyń taralýyna jol bermeý máseleleri jónindegi vedomstvoaralyq komissiianyń tóraǵasy, Premer-Ministrdiń orynbasary Eraly Toǵjanov jumys saparymen Aqmola oblysyna bardy, dep habarlaidy primeminister.kz.
Vitse-premer óńirdegi epidemiologiialyq jaǵdai boiynsha oblys basshylyǵymen keńes ótkizdi, koronavirýs infektsiiasynyń ekinshi tolqynyna daiyndyqty qamtamasyz etý jóninde qabyldanyp jatqan sharalar týraly esebin tyńdady.
Premer-Ministrdiń orynbasary óńirde tirkelgen SOVID-19 faktileriniń sany aǵymdaǵy jyldyń qazan aiynyń qorytyndysy boiynsha 2,7 esege artqanyn atap ótti.
Eraly Toǵjanov shekteý sharalarynyń saqtalýyn baqylaýdy qamtamasyz etý jónindegi monitoringtik toptar qyzmetiniń tiimdiligin atap aitqanda Kókshetaý, Stepnogor qalalarynda jáne birqatar aýdandarda arttyrý qajettigin aitty. Vitse-premer SOVID-19 juqtyrǵandarmen bailanysta bolǵan adamdardy qadaǵalaý jumystaryn kúsheitý, sondai-aq PTR zerthanalarynyń múmkindikterin arttyrý máselelerine erekshe nazar aýdardy.
Vedomstvoaralyq komissiia tóraǵasy epidemiologiialyq jaǵdaidy turaqtandyrý maqsatynda 9 qarashadan bastap oblys ákimdigine birqatar shekteý sharalaryn qabyldaýdy tapsyrdy, atap aitqanda:
Kókshetaý qalasynyń perimetri boiynsha blok beketter ornatýdy;
kún saiynǵy ósimi 10-nan astam jaǵdaidy quraityn eldi mekenderde sanitarlyq blok beketter ornatýdy;
Kókshetaý-Almaty, Kókshetaý-Aqtaý baǵyttary boiynsha áýe qatynasyn aptasyna 2 reisten 1 reiske deiin qysqartýdy;
Kókshetaý-Qyzylorda baǵyty boiynsha temirjol tasymaldaryn aptasyna 7 retten 3 retke deiin qysqartýdy;
jolaýshylar temir jol quramdarynyń oblys ishinde aialdaýyna tyiym salýdy (oblys ákimdigi belgilegen jerlerdi qospaǵanda);
dini obektilerdiń, teatrlardyń, kinoteatrlardyń, mádeniet obektileriniń qyzmetin toqtata turýdy;
jumys kúnderi úi-jailardaǵy qoǵamdyq tamaqtandyrý obektileriniń jumysyn bir mezgilde 30-dan aspaityn kelýshiler bolǵan jaǵdaida, 30-dan kem oryndyq obektiler úshin eseptik oryndardyń 50%-ynan aspaityn jaǵdaida saǵat 8:00-den 21:00-ge deiin, jumys rejimin qysqarta otyryp shekteýdi;
jumys kúnderi saýda úileriniń, saýda ortalyqtarynyń, kólemi 500 sharshy metrden astam azyq-túliktik emes dúkenderdiń jumysyn saǵat 10:00-den 20:00-ge deiin shekteýdi;
strategiialyq obektiler men tirshilikti qamtamasyz etý obektileriniń óndiristik protsesti qamtamasyz etetin jumyskerlerin qospaǵanda, oblys eldi mekenderiniń aýmaǵy boiynsha turǵyndardyń qozǵalysyn saǵat 23:00-den saǵat 06:00-ge deiin shekteýdi;
65 jastan asqan adamdarǵa azyq-túlikti, birinshi kezekte qajetti taýarlardy, dári-dármekterdi jáne meditsinalyq buiymdardy satyp alý jaǵdailaryn qospaǵanda, asa qajettiliksiz turǵylyqty jerinen shyqpaýdy usynýdy;
qyzmetkerlerdiń keminde 80%-yn qashyqtan jumys isteý rejimine kóshirýdi;
oflain rejimde keńester ótkizýge tyiym salýdy tapsyrdy.
Jumys sapary barysynda Premer-Ministrdiń orynbasary jańa modýldik infektsiialyq aýrýhanynyń jáne «Jumyspen qamtýdyń jol kartasy-2020» aiasynda iske asyrylǵan basqa da obektilerdiń jumysymen tanysty.
