Tanymal qazaqstandyq vainerler Meiirjan Tórebaev pen Meiirhan Sherniiazovty qamaýǵa alý merzimi taǵy uzardy, - dep habarlaidy "Ult aqparat" Massaget.kz portalyna silteme jasap.
18 qazanda Almaty qalasynyń mamandandyrylǵan aýdanaralyq tergeý soty sheshim shyǵarǵany belgili boldy. Onda Tórebaev áli de qylmystyq is materialdarymen tanysyp jatqany aitylǵan.
"Sot sheshimi boiynsha, kúdiktini qamaýda ustaý merzimin qylmystyq is materialdarymen tanysý kezeńinde bir aiǵa, iaǵni 18 qarashaǵa deiin sanktsiialaý týraly tergeý organdarynyń ótinishi qanaǵattandyryldy. Sheshim zańdy kúshine engen joq", - dedi Almaty qalalyq sotynyń baspasóz qyzmeti ókilderi.
Sondai-aq, sot bir kúnnen keiin Sherniiazovqa qatysty qaýly shyǵarǵan. Ony da qamaýǵa alý merzimi taǵy bir aiǵa uzartylǵan.
"Sot sheshimi boiynsha, kúdiktini qylmystyq is materialdarymen tanysý kezeńinde qamaýda ustaý merzimin bir aiǵa, iaǵni 20 qarashaǵa deiin sanktsiialaý týraly tergeý organdarynyń ótinishi qanaǵattandyryldy", - dep tolyqtyrdy sot ókilderi.
Eske salaiyq, Meiirjan Tórebaev áriptesi Meiirhan Sherniiazovpen birge biyl sáýirde qamaýǵa alynǵan bolatyn. Olar Almatydaǵy Mudaraban Capital qarjy piramidasynyń isi boiynsha kúdikti retinde tanylǵan.
