تانىمال قازاقستاندىق ۆاينەرلەر مەيٸرجان تٶرەباەۆ پەن مەيٸرحان شەرنييازوۆتى قاماۋعا الۋ مەرزٸمٸ تاعى ۇزاردى, - دەپ حابارلايدى "ۇلت اقپارات" Massaget.kz پورتالىنا سٸلتەمە جاساپ.
18 قازاندا الماتى قالاسىنىڭ مامانداندىرىلعان اۋدانارالىق تەرگەۋ سوتى شەشٸم شىعارعانى بەلگٸلٸ بولدى. وندا تٶرەباەۆ ەلٸ دە قىلمىستىق ٸس ماتەريالدارىمەن تانىسىپ جاتقانى ايتىلعان.
"سوت شەشٸمٸ بويىنشا, كٷدٸكتٸنٸ قاماۋدا ۇستاۋ مەرزٸمٸن قىلمىستىق ٸس ماتەريالدارىمەن تانىسۋ كەزەڭٸندە بٸر ايعا, ياعني 18 قاراشاعا دەيٸن سانكتسييالاۋ تۋرالى تەرگەۋ ورگاندارىنىڭ ٶتٸنٸشٸ قاناعاتتاندىرىلدى. شەشٸم زاڭدى كٷشٸنە ەنگەن جوق", - دەدٸ الماتى قالالىق سوتىنىڭ باسپاسٶز قىزمەتٸ ٶكٸلدەرٸ.
سونداي-اق, سوت بٸر كٷننەن كەيٸن شەرنييازوۆقا قاتىستى قاۋلى شىعارعان. ونى دا قاماۋعا الۋ مەرزٸمٸ تاعى بٸر ايعا ۇزارتىلعان.
"سوت شەشٸمٸ بويىنشا, كٷدٸكتٸنٸ قىلمىستىق ٸس ماتەريالدارىمەن تانىسۋ كەزەڭٸندە قاماۋدا ۇستاۋ مەرزٸمٸن بٸر ايعا, ياعني 20 قاراشاعا دەيٸن سانكتسييالاۋ تۋرالى تەرگەۋ ورگاندارىنىڭ ٶتٸنٸشٸ قاناعاتتاندىرىلدى", - دەپ تولىقتىردى سوت ٶكٸلدەرٸ.
ەسكە سالايىق, مەيٸرجان تٶرەباەۆ ەرٸپتەسٸ مەيٸرحان شەرنييازوۆپەن بٸرگە بيىل سەۋٸردە قاماۋعا الىنعان بولاتىن. ولار الماتىداعى Mudarabaن Capital قارجى پيراميداسىنىڭ ٸسٸ بويىنشا كٷدٸكتٸ رەتٸندە تانىلعان.
