Qazaqstan Elshisi Álibek Baqaev Jańa jyl merekesine orai Rim Papasy Frantsisk atynan resmi qabyldaýǵa qatysty. Pandemiiaǵa qaramastan, Qasietti taq dástúrdi ózgertpei, atalǵan is-sharany Vatikannyń Apostol saraiynda ótkizdi, dep habarlaidy QR SIM baspasóz qyzmeti.
Diplomatiialyq korpýs aldynda óziniń sózinde Rim Papasy Frantsisk basqa elderge apostoldyq saparlaryn qaita bastaǵysy keletinin atap ótti. Ol «mundai saparlar pikir almasý jáne dialog rýhynda ártúrli dinder arasynda jaqsy qarym-qatynas ornatýǵa múmkindik bergenine jáne qazirgi ýaqytta dinder arasyndaǵy dialog halyqtar men mádenietterdi jaqyndastyrýdyń mańyzdy quraly bolyp tabylatyndyǵyna» erekshe kóńil aýdardy.
Elshimen suhbat barysynda Rim Papasy Frantsisk Qazaqstan basshylyǵyna – Tuńǵysh Prezidenti-Elbasy Nursultan Nazarbaevqa jáne Memleket basshysy Qasym-Jomart Toqaevqa jyly lebizderin jetkizýdi surady. Suhbattasýshyna alǵysyn bildire otyryp, Elshi onyń Nur-Sultanda ótetin Álemdik jáne dástúrli dinder liderleriniń Sezine qatysatyndyǵyna úmit bildirdi.
Vatikanǵa sapary barysynda Á.Bakaev Qasietti taq Hatshysynyń basqa memlekettermen bailanys jónindegi orynbasary (Syrtqy ister ministriniń orynbasary) Monsinor Miroslav Vahovskimen kólissózder júrgizdi. Kezdesý barysynda ol Elimizde bolyp jatqan saiasi reformalar jáne Qazaqstan Respýblikasy Parlamenti Májilisine sailaý nátijeleri týraly habardar etti.
Kelissózderdiń negizgi kún tártibi – ekijaqty yntymaqtastyqtyń ózekti máselelerin talqylaýy boldy, atap aitqanda, Qazaqstan Respýblikasy Parlamenti Senatynyń Tóraǵasy – Álemdik jáne dástúrli dinder liderleri sezi hatshylyǵynyń basshysy Máýlen Áshimbaevtyń Vatikanǵa aldaǵy sapary, Vatikannyń atalǵan Sezge qatysýy, Vatikan bankiniń AIFC qarjy alańyn damyýna qatysty perspektivalar jáne Qasietti taq pen Qazaqstan arasyndaǵy mádeni-gýmanitarlyq bailanystardy keńeitýy.
Monsinor M. Vahovski óz tarapynan eki memleket yntymaqtastyǵynyń nyǵaiýyn oryndalýyn qamtamasyz etý úshin birlesken jumysty jalǵastyrýdyń mańyzdylyǵyn atap ótti.
Qazaqstan men Vatikan arasyndaǵy ekijaqty qatynastar 1992 jyly 17 qazanda ornatyldy. 1998 jáne 2009 jyldary Qazaqstannyń Tuńǵysh Prezidenti – Elbasy Nursultan Nazarbaevtyń Vatikanǵa resmi saparlary ótti, al 2001 jyly Elbasynyń shaqyrýymen Rim Papasy Ioann Pavel II Qazaqstanǵa alǵash ret memlekettik pastorlyq saparmen keldi.
