- Astana protsesine qatysýshylar kelissóz ótkizýge daiyndalýda. Bul týraly búgin QR Syrtqy ister ministriniń orynbasary Roman Vasilenko málim etti, dep habarlaidy "Ult aqparat".
«Siriialyq retteý boiynsha kezdesý (Astana protsesi) Resei men Túrkiia Prezidentteriniń bastamasymen ótýde. Oǵan QR Prezidenti Nursultan Nazarbaev jan-jaqty qoldaý kórsetken bolatyn. Bul rette, Qazaqstan Respýblikasynyń siriiaaralyq kelissózder úshin tek qana alań usynatyndyǵyn, kelissózder protsesine aralaspaityndyǵyn túbegeili túsiný asa mańyzdy», - dedi ol.
Vasilenkonyń sózine qaraǵanda, Astana protsesine Siriia Úkimetiniń, qarýly siriialyq oppozitsiiasynyń, Resei, Túrkiia jáne Irannyń ókilderi qatysady.
«Siriia boiynsha kelissózder búgin Astanada bastalady. Osyǵan orai Astanadaǵy kezdesý belgilengen ýaqytta ótip jatqany úshin dialog taraptary men osy protseske kepil bolǵan elderge alǵys aitamyz. Bul kelissózder taraptarynyń protseske úlken mańyz berip otyrǵanyn kórsetip, kezdesý qorytyndysy jaqsy bolatynyna úmit beredi», - dedi R. Vasilenko.
.jpeg)