AQSh biligi Sheshenstan úkimetiniń tóraǵasy Mýslim Hýchiev pen áieli Sapiia Shabazovaǵa, olardyń jaqyn týystaryna elge kirýge tyiym saldy. Bul týraly AQSh memlekettik departamentiniń málimdemesinde aitylady.
Departament mundai sheshim qabyldaýyna Eýropa qaýipsizdik jáne yntymaqtastyq uiymy (EQYU) júrgizgen zertteý qorytyndysy negiz bolǵanyn aitady. Zertteýde "Sheshenstan azamattary udaiy qýdalanady, zańsyz ustalyp, qamalady, azaptalyp, joǵalyp ketip, sotsyz jazaǵa tartylady" dep jazylǵan. Vashington bul azaptaýlarǵa Hýchievtiń "qatysy baryn dáleldeitin aiǵaqtary bar" ekenin aitady.
Memlekettik departament Resei biligin Sheshenstandaǵy adam quqyqtarynyń buzylýyna qatysy bar barlyq azamatty (onyń ishinde premer de bar) jaýapqa tartýǵa shaqyrǵan.
Mýslim Hýchiev - 2018 jyldyń maýsymynan beri Sheshenstan premeri. Buǵan deiin ol úsh jyl Groznyidyń meri bolǵan. Sheshenstan úkimetinde - ministr, Máskeýde jýrnalist bolyp istegen.
