Armeniialyq fýtbol mamany Vardan Minasian «Taraz» komandasyna bas bapker bolyp taǵaiyndaldy, dep habarlaidy "Ult aqparat" klýbtyń baspasóz qyzmetine silteme jasap.
V.Minasian 1974 jyly dúniege kelgen. Sporttyq jolyn Armeniianyń «Zangazýrynda» 1991 jyly bastasa, odan keiingi jyldarda sol eldiń «Piýnik», «Erevan», Shveitsariianyń «Lozanna», Reseidiń «Lokomotiv» (Sankt-Peterbýrg) komandalarynda oinady.
Bapkerlik qyzmetin 2001 jyly Armeniianyń 21 jasqa deiin quramasynda bastady. Odan keiingi jyldarda sol eldiń «Piýnik» komandasynyń tizginin birneshe márte ustasa, Armeniia quramasyna bas bapker qyzmetin úsh márte atqardy. Búginge deiin «Ararat-Armeniia» komandasynda eńbek etti. 2014-2015 jyldarda Qostanaidyń «Tobyl» komandasynda bas bapker boldy.
Armeniia quramasynyń bas bapkeri retinde ol Eýro-2012 chempionatynyń irikteý kezeńinde Slovakiiany 3:1, 4:0, Makedoniiany 4:1 esebimen utyp, Reseimen teń túsip - 0:0, óz tobynda úshinshi orynǵa jaiǵasty. Sondai-aq, 2014 jylǵy álem chempionatyna irikteýde toptyq kezeńde Daniiany 4:0, Chehiiany 2:1, Bolgariiany 2:1 esebimen jeńip, syrt alańda Italiiamen 2:2 teń oinady. Minasian qyzmet atqarǵan jyldarda Armeniia quramasy FIFA reitinginde 103 orynnan 34-shi orynǵa kóterildi.
Al klýbtyq deńgeide «Piýnikpen» 4, «Ararat-Armeniiamen» 2 márte el chempiony boldy. Sonymen qatar, Armeniia kýbogyn 2, sýperkýbokty 3 ret aldy. Oǵan qosa 5 dúrkin Armeniianyń úzdik bapkeri atandy.
