Vinsent Van Gogtyń eshqashan kórmege qoiylmaǵan sýreti Parijdegi Sotheby's úiinde 13 millionnan astam eýroǵa (6 milliard teńgeden astam) satyldy, dep habarlaidy Deutsche Welle.
Kartinanyń satylymy Modiliani, Rodin, Kamilla Klodel, Dega, Kli jáne Magritt siiaqty sýretshilerdiń 33 týyndysy qoiylǵan aýktsiondy aiaqtady.
«Vinsent Van Gogtyń ǵasyrlar boiy jeke kollektsiiada bolǵan jáne osy aptada alǵash ret kópshilik nazaryna usynylǵan «Monmartrdaǵy kóshe kórinisi» kartinasy Parijde 13 091250 eýroǵa satyldy», - dep habarlandy aýktsion úiiniń Twitter paraqshasynda.
«Monmartrdaǵy kóshe kórinisin» Van Gog 1887 jyly Parijde aǵasy Teomen birge turǵan kezde salǵan. Kartinada Monmartrdyń nyshandarynyń biri - Mýlen de la Galettegi jel diirmeni beinelengen. Bul jumys 1920 jyldan bastap jeke kollektsiiada saqtalyp kelgen.
«Van Gogtyń Monmartr kezeńindegi sýretteri álemdegi bedeldi murajai kollektsiialarynda emes, jeke kollektsiialarda saqtalady. Osyndai ańyzǵa ainalǵan týyndynyń naryqqa shyǵýy - óte mańyzdy oqiǵa», - dep málimdedi Sotheby's ókilderi.
Aita ketý kerek, sýrettiń aldyn ala baǵasy 5-8 million eýrony quraǵan.
