Foto: © lada.kz
Aqtaýda 21 jastaǵy sportshy Valeriia Shalnovanyń ólimine qatysty istiń mán-jai aityldy, - dep habarlaidy Tengrinews.kz portaly Lada.kz saityna silteme jasap.
Zardap shekken taraptyń advokaty Ajar Ábdildiń sózinshe, prokýratýra Valeriia Shalnovany óltirip, zorlady degen kúdikke ilingen Aqtaý turǵynyna qatysty is boiynsha aiyptaý qorytyndysyn bekitken. Jaqyn arada materialdar sotqa jiberiledi.
Kúdikti úsh qylmystyq bap boiynsha aiyptalyp otyr: "Jynystyq sipattaǵy zorlyq-zombylyqpen bailanysty kisi óltirý", "Jábirlenýshige zorlyq-zombylyqpen jynystyq sipattaǵy zorlyq-zombylyq "jáne "Tonaý, bótenniń múlkin ashyq urlaý".
"Aǵa tergeýshi Rima Lobian basqarǵan top tergeýdi jan-jaqty, tolyq jáne obektivti júrgizip, dáleldeýge tiisti barlyq mán-jaidy anyqtady", - dedi advokat Ajar Ábdil.
Sonymen qatar atalǵan isti tergeý barysynda keibir politsiia qyzmetkerleriniń qylmysty jasyryp, asa aýyr qylmysty der kezinde ashýǵa kedergi jasaý derekteri anyqtalǵan.
"Olarǵa qatysty material jeke óndiriske bólinip, Mańǵystaý oblysy PD Ishki qaýipsizdik basqarmasyna jiberildi, onda kinálilerdiń áreketine tiisti baǵa beriledi", - dep qosty advokat.
Eske salaiyq, Valeriia Shalnovanyń máiiti 2 shildede tańerteń Aqtaý irgesindegi sý jinalatyn kanaldyń janynan tabylǵan. Týystary sýitsid nusqasyna senbeidi. Olardyń aitýynsha, qyzdyń ólimine kináli adam bar, ol ustalǵan.
