فوتو: © lada.kz
اقتاۋدا 21 جاستاعى سپورتشى ۆالەرييا شالنوۆانىڭ ٶلٸمٸنە قاتىستى ٸستٸڭ مەن-جاي ايتىلدى, - دەپ حابارلايدى Tengrinews.kz پورتالى Lada.kz سايتىنا سٸلتەمە جاساپ.
زارداپ شەككەن تاراپتىڭ ادۆوكاتى اجار ەبدٸلدٸڭ سٶزٸنشە, پروكۋراتۋرا ۆالەرييا شالنوۆانى ٶلتٸرٸپ, زورلادى دەگەن كٷدٸككە ٸلٸنگەن اقتاۋ تۇرعىنىنا قاتىستى ٸس بويىنشا ايىپتاۋ قورىتىندىسىن بەكٸتكەن. جاقىن ارادا ماتەريالدار سوتقا جٸبەرٸلەدٸ.
كٷدٸكتٸ ٷش قىلمىستىق باپ بويىنشا ايىپتالىپ وتىر: "جىنىستىق سيپاتتاعى زورلىق-زومبىلىقپەن بايلانىستى كٸسٸ ٶلتٸرۋ", "جەبٸرلەنۋشٸگە زورلىق-زومبىلىقپەن جىنىستىق سيپاتتاعى زورلىق-زومبىلىق "جەنە "توناۋ, بٶتەننٸڭ مٷلكٸن اشىق ۇرلاۋ".
"اعا تەرگەۋشٸ ريما لوبيان باسقارعان توپ تەرگەۋدٸ جان-جاقتى, تولىق جەنە وبەكتيۆتٸ جٷرگٸزٸپ, دەلەلدەۋگە تيٸستٸ بارلىق مەن-جايدى انىقتادى", - دەدٸ ادۆوكات اجار ەبدٸل.
سونىمەن قاتار اتالعان ٸستٸ تەرگەۋ بارىسىندا كەيبٸر پوليتسييا قىزمەتكەرلەرٸنٸڭ قىلمىستى جاسىرىپ, اسا اۋىر قىلمىستى دەر كەزٸندە اشۋعا كەدەرگٸ جاساۋ دەرەكتەرٸ انىقتالعان.
"ولارعا قاتىستى ماتەريال جەكە ٶندٸرٸسكە بٶلٸنٸپ, ماڭعىستاۋ وبلىسى پد ٸشكٸ قاۋٸپسٸزدٸك باسقارماسىنا جٸبەرٸلدٸ, وندا كٸنەلٸلەردٸڭ ەرەكەتٸنە تيٸستٸ باعا بەرٸلەدٸ", - دەپ قوستى ادۆوكات.
ەسكە سالايىق, ۆالەرييا شالنوۆانىڭ مەيٸتٸ 2 شٸلدەدە تاڭەرتەڭ اقتاۋ ٸرگەسٸندەگٸ سۋ جينالاتىن كانالدىڭ جانىنان تابىلعان. تۋىستارى سۋيتسيد نۇسقاسىنا سەنبەيدٸ. ولاردىڭ ايتۋىنشا, قىزدىڭ ٶلٸمٸنە كٸنەلٸ ادام بار, ول ۇستالعان.
