Valensiianyń ortalyq kitaphanasynda jáne osy Ispaniia avtonomiiasynyń astanasynda ornalasqan «Jibek mýzeiinde» Abai Qunanbaiulynyń 175 jyldyǵyna arnalǵan is-sharalar ótti, dep habarlaidy QR SIM baspasóz qyzmeti.
Ispan tiline aýdarylǵan «Qara sózderi» kitabyn jáne Prezident Qasym-Jomart Toqaevtyń «Abai jáne HHI ǵasyrdaǵy Qazaqstan» kitapshasyn tanystyra otyryp, Qazaqstan Elshisi Konstantin Jigalov tyńdaýshylarǵa elimizdiń ómirindegi Abai shyǵarmashylyǵy men jeke tulǵanyń mádeni-rýhani damýdaǵy róli, aqynnyń murasyn ilgeriletýge arnalǵan IýNESKO qoldaýymen ótken aýqymdy is-sharalar týraly aqparat berdi.
XVIII ǵasyrda qurylǵan Ispaniiadaǵy eń iri kitaphanalarynyń biriniń qoryna ispan tilinde jaryq kórgen basylymdar, onyń ishinde Tuńǵysh Prezident – Elbasy Nursultan Nazarbaevtyń «Táýelsizdik dáýiri», «Qazaqstandyq jol», «Álem epitsentri» kitaptary, «Uly dalanyń jeti qyry» maqalasy, Prezident Q. Toqaevtyń «Jańa jaǵdaidaǵy Qazaqstan: is-qimyl kezeńi» atty joldaýy, qazaq poeziiasy men prozasynyń antologiialyq jinaqtary jáne Otanymyzdyń ejelgi jáne jańa tarihyna arnalǵan shyǵarmalar usynyldy.
Diplomat Elbasy «qazaqstandyq joldy» qamtamasyz etýge jáne elimizdiń damyǵan memleketke ainalýyna qosqan orasan zor úlesine, bitimgershi jáne saiasatker retindegi qyzmetine toqtalyp, onyń aýqymdy bastamalary álemdik qaýipsizdikti qurýǵa kópshilik moiyndaǵan úles qosqanyn atap ótti.
Óz kezeginde ispan tarapy Servantes tilindegi Qazaqstan týraly kitaptardy Valensiia kitaphanasyna berý alǵashqy ret júzege asyrylyp jatqanyn basa aitty. Alynǵan basylymdar ispan oqyrmandarynyń Qazaqstan týraly bilimderin keńeitýge yqpal etetini sózsiz.
«Jibek mýzeiinde» ótken is-sharada sóz sóilegen IýNESKO-nyń Jibek Joly halyqaralyq jelisiniń prezidenti, bedeldi ispandyq saiasatker Hose Mariia Chikiio Barber «IýNESKO qoldaýymen Abaidyń 175 jyldyǵyn atap ótý – bul qazaq aqynynyń tarihi murasynyń mańyzdylyǵyn búkil álemde moiyndaý» dep atap ótti.
Muraǵattar, kitaptar, eskizder kollektsiiasy men ǵasyrlar boiy jasalǵan jibek buiymdarynyń úlgileri bar mýzeige kelýshiler budan bylai Jibek jolynyń negizgi baǵdarlaryna engen Sairam, Iassy, Otyrar, Taraz siiaqty qalalardyń jeri Qazaqstan tarihy týraly kitaptarmen tanysa alady.
