ۆالەنسييانىڭ ورتالىق كٸتاپحاناسىندا جەنە وسى يسپانييا اۆتونوميياسىنىڭ استاناسىندا ورنالاسقان «جٸبەك مۋزەيٸندە» اباي قۇنانبايۇلىنىڭ 175 جىلدىعىنا ارنالعان ٸس-شارالار ٶتتٸ, دەپ حابارلايدى قر سٸم باسپاسٶز قىزمەتٸ.
يسپان تٸلٸنە اۋدارىلعان «قارا سٶزدەرٸ» كٸتابىن جەنە پرەزيدەنت قاسىم-جومارت توقاەۆتىڭ «اباي جەنە ححٸ عاسىرداعى قازاقستان» كٸتاپشاسىن تانىستىرا وتىرىپ, قازاقستان ەلشٸسٸ كونستانتين جيگالوۆ تىڭداۋشىلارعا ەلٸمٸزدٸڭ ٶمٸرٸندەگٸ اباي شىعارماشىلىعى مەن جەكە تۇلعانىڭ مەدەني-رۋحاني دامۋداعى رٶلٸ, اقىننىڭ مۇراسىن ٸلگەرٸلەتۋگە ارنالعان يۋنەسكو قولداۋىمەن ٶتكەن اۋقىمدى ٸس-شارالار تۋرالى اقپارات بەردٸ.
XVIII عاسىردا قۇرىلعان يسپانيياداعى ەڭ ٸرٸ كٸتاپحانالارىنىڭ بٸرٸنٸڭ قورىنا يسپان تٸلٸندە جارىق كٶرگەن باسىلىمدار, ونىڭ ٸشٸندە تۇڭعىش پرەزيدەنت – ەلباسى نۇرسۇلتان نازارباەۆتىڭ «تەۋەلسٸزدٸك دەۋٸرٸ», «قازاقستاندىق جول», «ەلەم ەپيتسەنترٸ» كٸتاپتارى, «ۇلى دالانىڭ جەتٸ قىرى» ماقالاسى, پرەزيدەنت ق. توقاەۆتىڭ «جاڭا جاعدايداعى قازاقستان: ٸس-قيمىل كەزەڭٸ» اتتى جولداۋى, قازاق پوەزيياسى مەن پروزاسىنىڭ انتولوگييالىق جيناقتارى جەنە وتانىمىزدىڭ ەجەلگٸ جەنە جاڭا تاريحىنا ارنالعان شىعارمالار ۇسىنىلدى.
ديپلومات ەلباسى «قازاقستاندىق جولدى» قامتاماسىز ەتۋگە جەنە ەلٸمٸزدٸڭ دامىعان مەملەكەتكە اينالۋىنا قوسقان وراسان زور ٷلەسٸنە, بٸتٸمگەرشٸ جەنە ساياساتكەر رەتٸندەگٸ قىزمەتٸنە توقتالىپ, ونىڭ اۋقىمدى باستامالارى ەلەمدٸك قاۋٸپسٸزدٸكتٸ قۇرۋعا كٶپشٸلٸك مويىنداعان ٷلەس قوسقانىن اتاپ ٶتتٸ.
ٶز كەزەگٸندە يسپان تاراپى سەرۆانتەس تٸلٸندەگٸ قازاقستان تۋرالى كٸتاپتاردى ۆالەنسييا كٸتاپحاناسىنا بەرۋ العاشقى رەت جٷزەگە اسىرىلىپ جاتقانىن باسا ايتتى. الىنعان باسىلىمدار يسپان وقىرماندارىنىڭ قازاقستان تۋرالى بٸلٸمدەرٸن كەڭەيتۋگە ىقپال ەتەتٸنٸ سٶزسٸز.
«جٸبەك مۋزەيٸندە» ٶتكەن ٸس-شارادا سٶز سٶيلەگەن يۋنەسكو-نىڭ جٸبەك جولى حالىقارالىق جەلٸسٸنٸڭ پرەزيدەنتٸ, بەدەلدٸ يسپاندىق ساياساتكەر حوسە مارييا چيكييو باربەر «يۋنەسكو قولداۋىمەن ابايدىڭ 175 جىلدىعىن اتاپ ٶتۋ – بۇل قازاق اقىنىنىڭ تاريحي مۇراسىنىڭ ماڭىزدىلىعىن بٷكٸل ەلەمدە مويىنداۋ» دەپ اتاپ ٶتتٸ.
مۇراعاتتار, كٸتاپتار, ەسكيزدەر كوللەكتسيياسى مەن عاسىرلار بويى جاسالعان جٸبەك بۇيىمدارىنىڭ ٷلگٸلەرٸ بار مۋزەيگە كەلۋشٸلەر بۇدان بىلاي جٸبەك جولىنىڭ نەگٸزگٸ باعدارلارىنا ەنگەن سايرام, ياسسى, وتىرار, تاراز سيياقتى قالالاردىڭ جەرٸ قازاقستان تاريحى تۋرالى كٸتاپتارمەن تانىسا الادى.
