KVI-ǵa qarsy vaktsinatsiianyń tolyq kýrsyn ótkenderge birqatar shekteý joiylady. Bul týraly búgin Úkimet otyrysynda QR Densaýlyq saqtaý ministri Aleksei Tsoi aitty, dep habarlaidy "Ult aqparat".
«Koronavirýsqa qarsy vaktsina alǵandar sanynyń birtindep ulǵaiýyna bailanysty QR Bas memlekettik sanitar dárigeriniń qaýlysymen KVI-ǵa qarsy vaktsinatsiianyń tolyq kýrsy bar tulǵalar úshin birqatar shekteý alynyp tastaldy», - dedi Aleksei Tsoi.
Atap aitqanda, onyń sózine qaraǵanda COVID-19-ǵa qarsy vaktsinatsiianyń tolyq kýrsy bolǵanda aýrýhanaǵa jatqyzýdyń kez kelgen túrinde, uiymdastyrylǵan ujymdarǵa barǵanda, eńbek demalysynan, is-sapardan oralǵanda, naýqastanýyna bailanysty jumys ornynda bolmaǵan kezde PTR test talap etilmeidi.
«COVID-19-dyń naqtylanǵan jaǵdaiymen bailanysty bolǵandar oqshaýlanbaidy. Biraq meditsinalyq baqylaý qamtamasyz etiledi. Keńselik uiym qyzmetkeri qashyqtan jumys isteý formatyna jiberilmeidi», - dedi ministr.
