كۆي-عا قارسى ۆاكتسيناتسييانىڭ تولىق كۋرسىن ٶتكەندەرگە بٸرقاتار شەكتەۋ جويىلادى. بۇل تۋرالى بٷگٸن ٷكٸمەت وتىرىسىندا قر دەنساۋلىق ساقتاۋ مينيسترٸ الەكسەي تسوي ايتتى, دەپ حابارلايدى "ۇلت اقپارات".
«كوروناۆيرۋسقا قارسى ۆاكتسينا العاندار سانىنىڭ بٸرتٸندەپ ۇلعايۋىنا بايلانىستى قر باس مەملەكەتتٸك سانيتار دەرٸگەرٸنٸڭ قاۋلىسىمەن كۆي-عا قارسى ۆاكتسيناتسييانىڭ تولىق كۋرسى بار تۇلعالار ٷشٸن بٸرقاتار شەكتەۋ الىنىپ تاستالدى», - دەدٸ الەكسەي تسوي.
اتاپ ايتقاندا, ونىڭ سٶزٸنە قاراعاندا COVID-19-عا قارسى ۆاكتسيناتسييانىڭ تولىق كۋرسى بولعاندا اۋرۋحاناعا جاتقىزۋدىڭ كەز كەلگەن تٷرٸندە, ۇيىمداستىرىلعان ۇجىمدارعا بارعاندا, ەڭبەك دەمالىسىنان, ٸس-ساپاردان ورالعاندا, ناۋقاستانۋىنا بايلانىستى جۇمىس ورنىندا بولماعان كەزدە پتر تەست تالاپ ەتٸلمەيدٸ.
«COVID-19-دىڭ ناقتىلانعان جاعدايىمەن بايلانىستى بولعاندار وقشاۋلانبايدى. بٸراق مەديتسينالىق باقىلاۋ قامتاماسىز ەتٸلەدٸ. كەڭسەلٸك ۇيىم قىزمەتكەرٸ قاشىقتان جۇمىس ٸستەۋ فورماتىنا جٸبەرٸلمەيدٸ», - دەدٸ مينيستر.
