QR Densaýlyq saqtaý ministri Aleksei Tsoi Májiliste vaktsinalaý qarqynyn arttyrý úshin qandai sharalar júrgizilip jatqanyn aityp berdi, dep habarlaidy "Ult aqparat".
«Biz úshin vaktsinatsiia qazir pandemiiadan shyǵýdyń negizgi quraly bolyp otyr. Úkimet sáýir aiynda elimizdiń 2 mln azamatyn vaktsinamen qamtamasyz etýge daiyn ekenin rastady, biz Qazaqstanǵa 2,3 mln doza vaktsina ákeldik. Búgingi tańda 1,4 mln adam birinshi komponentti saldyrdy. Vaktsinalaýdyń ózi erikti túrde júredi. Biz barynsha qoljetimdilikti qamtamasyz ettik, Qazaqstannyń barlyq óńirinde vaktsina bar. Qazir 1400 vaktsinalaý pýnkti uiymdastyryldy: iri saýda ortalyqtarynda salýǵa bolady, al 300 kóshpeli brigada ujymdarǵa barady», - dedi Aleksei Tsoi Májilistiń jalpy otyrysynda.
Ministr vaktsinanyń jetkilikti kólemde bar ekenin jáne jetkizýdiń de naqty kesteleri bekitilgenin aitty.
«Biz óńirlermen jumys istep jatyrmyz. Mysaly keshe 117 myń adam vaktsina aldy delik. Iaǵni, vaktsinalaý qarqyny artyp keledi. Eń bastysy, bizdiń azamattar vaktsina saldyrý qajettigin túsindi. Qazir olar kóptegen tanystarynyń ekpe alǵanyn, qandai da esh asqyný bolmaǵanyn kóredi. Sondyqtan qazir turǵyndardyń belsendiligi artyp kele jatqanyn kórip otyrmyz jáne biz úshin túsindirý, qoljetimdilik, vaktsinamen qamtamasyz etý arqyly qarqynnyń artqany mańyzdy. Qazir naryqta úsh vaktsina bar. Biz óz azamattarymyz úshin vaktsina alýǵa barynsha jaǵdai jasaýǵa tyrysamyz», - dedi Densaýlyq saqtaý ministri.
