QR Densaýlyq saqtaý ministri Aleksei Tsoi vaktsinatsiia mindetti bolǵanda kúzde qansha adam ekpe alatyndyǵyn atai alatyndyǵyn aitty, dep habarlaidy "Ult aqparat".
Ministr ortalyq kommýnikatsiialar qyzmetinde ótken brifing barysynda kúzge deiin 10 mln adamǵa koronavirýsqa qarsy vaktsina salynatyndyǵyna úmit artatynyn atap ótti.
«Biz soǵan umtylamyz. Taǵy da aitamyn, vaktsina erikti túrde salynady. Eger ol mindetti bolǵanda, biz naqty parametrler men tsifrdy belgileitin edik. Sondyqtan da barlyǵy azamattardyń túsinýine, aqparattyń qanshalyqty durys jetkizilýine, ekpe pýnktileriniń qalai jumys isteitindigine bailanysty. Iaǵni, úlken úilesimdi jumystyń, jalpy túsiniktiń bolýyna bailanysty bolyp tur. Damyǵan elderdiń kópshiliginde osyndai jumystyń arqasynda vaktsina alǵan halyqtyń úlesi 60-70 paiyzǵa jetti. Demek, munyń koronavirýs infektsiiasynan memleketti qorǵaýdaǵy negizgi trend ekendigin túsinýimiz qajet», - dedi Aleksei Tsoi.
