قر دەنساۋلىق ساقتاۋ مينيسترٸ الەكسەي تسوي ۆاكتسيناتسييا مٸندەتتٸ بولعاندا كٷزدە قانشا ادام ەكپە الاتىندىعىن اتاي الاتىندىعىن ايتتى, دەپ حابارلايدى "ۇلت اقپارات".
مينيستر ورتالىق كوممۋنيكاتسييالار قىزمەتٸندە ٶتكەن بريفينگ بارىسىندا كٷزگە دەيٸن 10 ملن ادامعا كوروناۆيرۋسقا قارسى ۆاكتسينا سالىناتىندىعىنا ٷمٸت ارتاتىنىن اتاپ ٶتتٸ.
«بٸز سوعان ۇمتىلامىز. تاعى دا ايتامىن, ۆاكتسينا ەرٸكتٸ تٷردە سالىنادى. ەگەر ول مٸندەتتٸ بولعاندا, بٸز ناقتى پارامەترلەر مەن تسيفردى بەلگٸلەيتٸن ەدٸك. سوندىقتان دا بارلىعى ازاماتتاردىڭ تٷسٸنۋٸنە, اقپاراتتىڭ قانشالىقتى دۇرىس جەتكٸزٸلۋٸنە, ەكپە پۋنكتٸلەرٸنٸڭ قالاي جۇمىس ٸستەيتٸندٸگٸنە بايلانىستى. ياعني, ٷلكەن ٷيلەسٸمدٸ جۇمىستىڭ, جالپى تٷسٸنٸكتٸڭ بولۋىنا بايلانىستى بولىپ تۇر. دامىعان ەلدەردٸڭ كٶپشٸلٸگٸندە وسىنداي جۇمىستىڭ ارقاسىندا ۆاكتسينا العان حالىقتىڭ ٷلەسٸ 60-70 پايىزعا جەتتٸ. دەمەك, مۇنىڭ كوروناۆيرۋس ينفەكتسيياسىنان مەملەكەتتٸ قورعاۋداعى نەگٸزگٸ ترەند ەكەندٸگٸن تٷسٸنۋٸمٸز قاجەت», - دەدٸ الەكسەي تسوي.
