1 aqpannan bastap qazaqstandyqtarǵa egilip jatqan koronavirýsqa qarsy vaktsina halal ma? Dál osy saýal búgin Ortalyq kommýnikatsiialar qyzmetindegi baspasóz máslihaty barysynda QR Densaýlyq saqtaý vitse-ministrleri Ajar Ǵiniiat pen Erlan Qiiasovqa qoiyldy, dep habarlaidy "Ult aqparat".
«Vaktsinanyń halal áli halal emestigine qatysty jait meditsinalyq máselege jatpaidy. Kóptegen islam elderinde vaktsinatsiia protsedýrasyn ótkizý josparlanyp otyr. Vaktsinany ázirleý óte kúrdeli jaǵdaida ótýine, atalǵan vaktsinanyń jedel qajettiligine bailanysty vaktsinanyń halal nemese halal emestigi týraly másele qaralmaidy da. Óitkeni, shaldyǵý men ólim-jitim joǵary bolyp tur. Biz, dárigerler, vaktsinanyń tiimdiligin ǵana talqylai alamyz», - dedi vitse-ministr Erlan Qiiasov.
Al Ajar Ǵiniiat vaktsinanyń adam adenovirýsy bazasynda ázirlengenin aitady.
«Eger vaktsinanyń quramyna qatysty aityp otyrsańyz, onda vaktsina adamnyń adeneovirýsy bazasynda ázirlengen. Sondyqtan sizdi quramy qyzyqtyryp otyrsa, onda bul - adami virýs», - dedi vitse-ministr.
