QR Densaýlyq saqtaý vitse-ministri – Bas memlekettik sanitar dáriger Erlan Qiiasov vaktsinanyń birinshi dozasynan keiin karantinge oqýshaýlanýdyń qajeti joq ekenin túsindirdi, dep habarlaidy QazAqparat.
Koronavirýsqa qarsy vaktsinany 21 kúndik aralyqpen eki kezeńmen engizý kerek. Birinshi doza antidenelerdiń az mólsherin óndirýge bailanysty qysqa qorǵanys áserin beredi. Ekinshi doza birinshisiniń áserin kúsheitedi jáne nyǵaitady, adam organizmindegi antideneler sany artady.
«Birinshi dozany alǵan soń karantinge oqshaýlanýdyń qajeti joq. Men qazir jumysqa baramyn. Vaktsinadan keiingi kútimdi ustanýǵa tyrysamyn. Degenmen barshańyzdy karantin rejimin saqtaýǵa shaqyrǵym keledi, óitkeni adam vaktsina alsa da, keibir jaǵdailarda belgili bir virýstardyń tasymaldaýshysy bolýy múmkin. Vaktsinalaý arqyly eń aldymen ózińizdi qorǵaisyz, óz aǵzańyzdyń virýs juqtyrý múmkindigin azaitasyz. Biraq siz aǵzańyzdy ózińizge shabýyl jasai alatyn virýstardan bosatpaisyz. Bul vaktsina sizdiń deneńizdi aýrýlardan qorǵaidy», - dep túsindirdi Erlan Qiiasov №6 qalalyq emhanada tilshilerge bergen suhbatynda.
Eske sala ketsek, elordadaǵy №6 qalalyq emhanada QR Densaýlyq saqtaý vitse-ministri – Bas memlekettik sanitar dáriger Erlan Qiiasov pen Densaýlyq saqtaý vitse-ministri Ajar Ǵiniiat koronavirýsqa qarsy vaktsina saldyrdy.
