Koronavirýspen aýyrǵan naýqastarda antideneler - 3 ai, vaktsinalanǵan adamdarda 1 jyl saqtalady. Bul týraly Meditsina ǵylymdarynyń doktory, S.D.Asfendiiarov atyndaǵy QazUMÝ juqpaly jáne tropikalyq aýrýlar kafedrasynyń professory Ravilia Egemberdieva aitty, dep habarlaidy QazAqparat.
Almaty qalasy epidemiologiialyq jaǵdai boiynsha «qyzyl» aimaqta tur. Sońǵy táýlikte megapoliste koronavirýs infektsiiasyn juqtyrýdyń jańadan 342 jaǵdaiy tirkeldi. Pandemiiamen kúres aiasynda qalada halyqty vaktsinalaý jumystary belsendi júrgizilýde. Birinshi kezeńde dárigerler men meditsina qyzmetkerlerinen 1750 adam vaktsinalandy. Ekinshi kezeńde ekpeni 3300 meditsina qyzmetkeri, 955 politsiia qyzmetkeri men 523 muǵalim aldy.
Professor Ravilia Egemberdieva naýqastan alynǵan antideneler men vaktsinadan alynǵan antidenelerdiń aiyrmashylyǵy nede ekenin aitty.
«Koronavirýs infektsiiasynan keiin immýnitet qalyptasady, biraq ol uzaqqa sozylmaidy. Qaitadan aýyrǵan jaǵdailar bar. Koronavirýs infektsiiasyn juqtyrǵandar 3 aidan keiin qaita aýrýy múmkin. Sondyqtan infektsiiadan keiin immýnitettiń qanshalyqty uzaq ekenin aita almaimyn jáne ǵalymdardyń da buǵan áli naqty jaýaby joq. Biraq eń az kezeń – 3 ai. Qazaqstan aýmaǵynda qoldanylatyn «Spýtnik V» vaktsinasy aǵzany 1 jylǵa deiin immýnitetpen qamtamasyz etedi. Qazir Reseide jasalǵan basqa vaktsinalar belgili jáne ǵalymdardyń aitýynsha, bul vaktsinalar 3 jylǵa deiin immýnitetti qamtamasyz etedi. Biraq meniń oiymsha, immýnitettiń qanshalyqty uzaq saqtalatyny tek vaktsinalaý júrgizgennen keiin naqty belgili bolady», - dedi Ravilia Egemberdieva.
Professordyń sózinshe, halyqtyń 70% v aktsinalaý ǵana tiimdi bolady. Ol koronavirýs infektsiiasynyń tirkelýin toqtatýǵa yqpal etedi. Álem vaktsinalaýdyń mundai deńgeiine áli jetken joq.
«Qazaqstan Respýblikasyna vaktsinatsiialaý tek 1 aqpannan bastaldy. Oǵan halyqtyń basym bóligi qatysqan joq. Sondyqtan betperde rejimi, 1,5 metrlik qashyqtyq siiaqty epidemiiaǵa qarsy sharalardy qatań saqtaý qajet. Aita keterligi, 2 vaktsina ekpesin alǵan adamdardyń epidemiiaǵa qarsy sharalardy taǵy 14 kún saqtaýy tiis ekendigin atap ótkim keledi», - dedi Ravilia Egemberdieva.
«Men infektsionist retinde koronavirýs infektsiiasymen aýyratyn naýqastar áli de kóp ekenin, onyń ishinde aýyr halde jatqandar bar ekenin, derttiń asqynýy ólimmen aiaqtalǵan jaǵdailar da bar ekenin málimdeimin. Azamattardan ótinip surarym, betperde taǵyńyzdar, qoldaryńyzdy muqiiat jýyńyzyzdar, qashyqtyqty saqtańyzdar, aýrýdyń alǵashqy belgileri paida bolǵan kezde dereý jergilikti dárigerge habarlasyńyzdar», - dedi Ravilia Egemberdieva.
