Áleýmettik jelliler men Whatsapp-ta qolyna magnit jabystyryp alǵan er adamnyń videosy tarady. Ol magnittiń tek ekpe jasatqan jerge ǵana tartylatyndyǵyn aitady. Demek, vaktsinada chip bar degen qorytyndyǵa keledi. Bul - feik. Bul týraly stopfake.kz saity habarlady.
Vaktsinatsiialanǵan adamdardyń qolyna magnitter tartylǵandyǵy týraly beineler qazir jelide óte tanymal. Olar alǵash ret aǵylshyn tildi áleýmettik jelilerde paida boldy. Kóbinese olardy vaktsinatsiiaǵa qarsy adamdar taratady. Olardyń pikirinshe, bul aqyl-oiyn baqylaý úshin COVID-19-ǵa qarsy egý arqyly adam aǵzasyna mikrochip engiziletininiń dáleli. Biraq bul ǵylymi faktilerge qaishy keletin qastandyq teoriiasy. Adamdarǵa COVID-19 vaktsinasymen birge chipter salynady degen boljamdar negizsiz. Bul mif buryn birneshe ret teriske shyǵarylǵan.
Aǵzaǵa standartty inektsiialyq inemen engizýge bolatyn chip ázirge tek ázirlený ústinde. Onyń kólemi nebári 0,1 tekshe millimetr, ony tek mikroskoppen ǵana kórýge bolady. Ázirge bul tehnologiiany jappai paidalanýǵa berý týraly másele qarastyrylyp jatqan joq. Biraq aǵzaǵa enip, bulshyqet pen teri qabatynyń astynda bola tura, ol ózine magnit tarta almaidy.
Keńinen taraǵan beinelerdiń birinde avtor vaktsina saldyrǵan balaǵa magnittiń áserin kórsetedi. Sondai-aq video jazbasynda ózi munyń feik ekenin túsindiredi, bul adamdarǵa shynaiy aqparatty jalǵan aqparattan ajyratýdy úirený úshin arnaiy jasalǵan.
