DSM Sanitariialyq-epidemiologiialyq baqylaý komitetiniń tóraǵasy Aijan Esmaǵambetova Qazaqstanda qansha adam vaktsinadan keiin de koronavirýs juqtyrǵanyn aityp berdi, dep habarlaidy "Ult aqparat".
«Qazirgi ýaqytta vaktsinalaýdan keiin 1437 adam aýyrǵan. Munyń óte tómen deńgei - 0,05% ekenin atap ótkim keledi. Óndirýshiniń ózi vaktsinanyń tiimdiligin 92% dep kórsetken, iaǵni 100 adamnyń segizi aýyryp qalýy múmkin», - dedi Esmaǵambetova Ortalyq kommýnikatsiialar qyzmetinde ótken brifingide.
Spiker «Spýtnik V», «Hayat-Vax» jáne «QazVac» vaktsinalaryn alǵan naýqastar týraly málimetterdi keltirdi.
«Spýtnik V» alǵashqy dozasynan keiin 979 adam aýyryp qalǵan, «QazVac-ten» keiin – segiz jáne «Hayat-Vax» vaktsinasynan keiin - 35 adam aýyrǵan.
