Qazirgi kezde qazaqstandyqtarǵa vaktsinalaý pasportynyń qaǵaz nusqasy berilmeidi. Bul týraly QR Densaýlyq saqtaý ministrliginiń sanitarlyq-epidemiologiialyq baqylaý komitetinde málim etildi, dep habarlaidy "Ult aqparat".
Aita ketý kerek, halyq arasynda vatsinalaý pasportynyń qaǵaz nusqasynyń Sanitarlyq-epidemiologiialyq komitetten aqshaǵa tapsyrys berip alýǵa bolatyny jóninde aqparat taralýda.
«Sanitarlyq-epidemiologiialyq komitet qaǵaz nusqada firmalyq blankide eshqandai vaktsinalaý pasportyn bermeidi. Ondai ózgerister oryn alsa, biz mindetti túrde respýblika azamattaryn habardar etemiz. Mundai saýal qarastarylyp ta jatqan joq», - dep habarlady Komitetten.
Vedomstvo jalǵyz qoldanystaǵy vaktsinalaý pasportynyń elektrondy ekenin eskertti. Sonymen qatar Komitette qazaqstandyqtardy muqiiat bolýǵa shaqyryp, alaiaqtarǵa aldanbaýdy ótindi.
