Densaýlyq saqtaý ministri Aleksei Tsoi vaktsinalaý pasportyn satatyn adamdardy qatań jaza kútip turǵanyn aitty, dep habarlaidy Sputnik Qazaqstan.
"Jalǵan vaktsinalaý pasportyna qatysty: iá, mundai jaǵdai boldy. Aqparat alǵan boida men Almaty ákimdigine habarlastym. Tańerteń bul máseleni baqylaýǵa alyp, kúsh qurylymdarymen pysyqtadyq. Kúdikti ustaldy", - dedi Tsoi.
Ministr áleýmettik jelilerge, jalpy mundai jaǵdailarǵa monitoring júrgiziletinin atap ótti.
"Eger sizderge osyndai jaittar belgili bolsa, biz qabyldaýǵa daiynbyz. Jaza óte qatań bolady", - dedi ol.
Tsoi barlyq meditsina qyzmetkeri qylmystyq jaýapkershilikten habardar ekenin aitty.
"Aqparattyq júiede ár doza kórinip turady. Eger osyndai jaǵdai bola qalsa, onyń artynan qylmystyq jaza keledi. Biz muny erekshe baqylaýda ustap otyrmyz", - dedi Tsoi.
Buǵan deiin Almatyda eki jyl dekrettik demalysta otyrǵan medbike adamdarǵa vaktsinalaý pasportyn zańsyz satqany habarlandy.
Meditsina qyzmetkeri ekpe egilgeni týraly ár qujat úshin 15 myń teńge suraǵan. Qazir politsiia bul faktige qatysty qylmystyq is qozǵady.
