Vaktsinalaý ómirimizdi qalypty arnasyna qaitarady. Bul týraly QR Prezidenti Ákimshiligi basshysynyń birinshi orynbasary Dáýren Abaev videoúndeýde aitty, dep habarlaidy "Ult aqparat".
«Memleket vaktsinalaý isin jasyrmaidy. Kerisinshe biz onyń jariia túrde júrgenin quptaimyz. Ashyqtyq - qoǵamdyq ózara senimdi arttyrýdyń eń tiimdi tásili. Vaktsinalaý ómirimizdi qalypty arnasyna qaitarady. Maska taqpai-aq qydyratyn, virýs juqtyram dep qoryqpai kinoǵa, teatrǵa, qonaqqa baratyn, qyzmet kórsetý salasy tolyqtai jumys isteitin kún jaqyn dep úmittenemiz. Bári de bizdiń qolymyzda», - dedi Dáýren Abaev.
