Densaýlyq saqtaý ministrligi vaktsinany jasaýshylardan, RǴA akademigi, Gamaleia atyndaǵy epidemiologiia jáne mikrobiologiia ulttyq zertteý ortalyǵynyń direktory Aleksandr Gintsbýrgten dozalar arasyndaǵy aralyqtyń uzarýy immýndyq jaýaptyń kúshine áser etpeidi, al keibir jaǵdailarda immýnitettiń joǵary belsendiligine ákeledi degen resmi hat aldy, dep málimdedi QR Densaýlyq saqtaý ministri Aleksei Tsoi.
«Birinshiden, árine, biz vaktsinany jasaýshylardyń usynystaryna súienemiz. Professor, RǴA akademigi, Gamaleia ulttyq epidemiologiia jáne mikrobiologiia ǵylymi-zertteý ortalyǵynyń direktory Aleksandr Gintsbýrgtiń 22 sáýirdegi resmi málimdemesinde aitylǵandai, aralyqtyń uzarýy adamnyń immýndyq reaktsiiasynyń kúshi men uzaqtyǵynyń artýyna ákeledi. Ekinshi komponentpen 45-shi kúni vaktsinatsiia júrgizý múmkin bolmaǵan jaǵdaida (demalys, mereke kúnderine sáikes kelý, basqa eldi mekenge shyǵý) 90 kún ishinde ekpe júrgizýge ruqsat etiledi», - dep atap ótti Tsoi.
Ministrdiń aitýynsha, ekinshi komponenttiń vaktsinasy jetkilikti mólsherde, vaktsina tapshylyǵy joq, jetkizý kestege sáikes júrgizilýde.
«Bul halyqty immýndaýdy aitarlyqtai jedeldetýge múmkindik beredi, sebebi qazirgi ýaqytta meditsina qyzmetkerleriniń barlyq kúshteri vaktsinanyń birinshi komponentimen qamtýǵa baǵyttalǵan. Vaktsinanyń birinshi komponentin engizý 12-14 kúnnen keiin antideneler shyǵarýdy qamtamasyz etýge jáne 3 aptadan keiin immýnitetti alýǵa múmkindik beredi», - dep túsindirdi QR Densaýlyq saqtaý ministrliginiń basshysy.
Halyqaralyq tájiribe kórsetkendei, Ulybritaniia, Frantsiia, Ýkraina, Chehiia, Kanada, Italiia siiaqty elderde vaktsinalardyń dozalary arasyndaǵy aralyqty ulǵaitý týraly sheshim qabyldandy. Atap aitqanda, bul birqatar belgili vaktsinalarǵa qatysty - Pfizer/BioNTech, Moderna, Vaxzeria, olarǵa qatysty dozalar arasyndaǵy aralyqtardyń ulǵaiýyna jol beriledi.
