QR Premer-Ministriniń orynbasary Eraly Toǵjanov halyqty vaktsina men revaktsina jasatýǵa shaqyrdy, dep habarlaidy QazAqparat.
«Pandemiia kezeńindegi qaiǵyly oqiǵalardy qaitalaǵymyz kelmese, sanitarlyq qyzmetterdiń nusqaýlaryn qatań saqtaý qajet. Sondyqtan árbir qazaqstandyqqa óz densaýlyǵyna, jaqyndarynyń, týystarynyń densaýlyǵyna qamqorlyq kórsetýge jáne qysqa merzimde vaktsinalaý men revaktsinalaýdan ótýge keńes beremiz. Epidemiologiialyq jaǵdaidyń odan ári qalai ózgeretindigi tek ózimizge bailanysty. Qazirgi «omikron» shtamy tez taralýymen qoimai, jas talǵamaityndyǵymen qaýipti», - dedi Toǵjanov Ortalyq kommýnikatsiialar qyzmetinde.
Onyń aitýynsha, qalyptasqan immýnitetti saqtap qalýdyń birden-bir joly – rekvaktsinalaý.
«Aldyn ala emdelgenniń esesi ketpes» deidi halqymyz. Sondyqtan vaktsina alyp úlgermegen árbir qazaqstandyq tez arada vaktsina qabyldaýy kerek. Vaktsina alǵanyna 6 ai ótken azamattar – revaktsinalanýy qajet! Eń bastysy, Qazaqstanda qoldanylatyn barlyq vaktsinalar tiimdi ári qaýipsiz. Ony ýaqyttyń ózi dáleldedi», - dedi Toǵjanov.
