Qaraǵandy oblysynyń Osakarov aýdanynda «Spýtnik V» vaktsinasymen koronavirýstyq infektsiiaǵa qarsy ekpe júrgizilýde. 16 sáýirdegi málimet boiynsha aýdannyń egý pýnktterinde 845 turǵyn vaktsinatsiialandy.
Egý pýnktteri emhanalarda, feldsherlik-akýsherlik pýnktterde jáne aýyldyq dárigerlik ambýlatoriialarda jumys isteidi. Vaktsina alǵysy keletinderdiń arasynda jastar da, qart adamdar da bar.
«Alǵashqy ekpelerdiń biri meditsina qyzmetkerlerine jasaldy. Covid-19-ǵa qarsy vaktsinatsiiadan ótken adamdarda jaǵymsyz reaktsiialar baiqalmaidy, olardyń ál-aýqaty jaqsy», - dep atap ótti aýdandyq aýrýhananyń bas dárigeri Olga Travneva.
Vaktsina alǵandardyń arasynda zeinetker Viktor Grebeniýk te bar. Ol 68 jasta.
«Ekpe alý sheshimin men burynnan qabyldap qoiǵanmyn. Jalpy, men jappai vaktsinalaýdyń bastalýyn kúttim. Naýqan bastalǵan bette birinshi kúni jazyldym. Vaktsina alǵannan keiin men eshqandai keri reaktsiia baiqalmady, ózimdi jaqsy sezinemin. Koronavirýsqa qarsy ekpe alýǵa sanaly túrde keldim. Meniń oiymsha, barlyq jurt vaktsinatsiialanýy kerek, óitkeni infektsiia óte aýyr. Osylaisha biz ujymdyq immýnitetti qalyptastyramyz, sonyń arqasynda biz jańa indetterden jáne jaǵdailardyń kóbeiýinen aýlaq bolamyz», - deidi Viktor Grebeniýk.
