Qazaqstanda koronavirýs vaktsinasyn alǵan azamattardyń 0,02 paiyzy ǵana virýsta qaita juqtyryp aldy. Bul týraly QR Densaýlyq saqtaý ministri Aleksei Tsoi aitty, dep habarlaidy "Ult aqparat".
«Jalpy alǵanda, vaktsinatsiia protsesiniń qazirgi ýaqytta óte belsendi júrip jatqanyn kórip otyrmyz. Búginde azamattarymyz vaktsinaǵa úlken senim arta bastady. Vaktsina alǵan azamattardyń ishinde tek shamamen 0,02 paiyzy ǵana aýyryp qaldy», - dedi ministr Ortalyq kommýnikatsiialar qyzmetinde ótken baspasóz máslihaty barysynda.
Onyń paiymynsha, mundai kórsetkish vaktsinanyń tiimdi ekendigin kórsetedi.
«Ol aiqyn kórinip tur. Árine, vaktsinatsiialaýdyń munan arǵy qarqyny densaýlyq saqtaý júiesiniń úilesimdi jumysyna, sonymen qatar azamattardyń túsinigine, jaqyndary úshin durys tańdaý jasaýyna jáne ujymdyq immýnitettiń damýyna bailanysty ekendigin atap ótkim keledi», - dedi Densaýlyq saqtaý ministri.
