Koronavirýsqa qarsy vaktsina alǵan adamdar arasynda virýs juqtyrý kórsetkishi qandai? Bul suraqqa Ortalyq kommýnikatsiialar qyzmetinde ótken brifingide QR Densaýlyq saqtaý ministrligi Sanitarlyq-epidemiologiialyq baqylaý komitetiniń tóraiymy Aijan Esmaǵambetova jaýap berdi, dep habarlaidy QazAqparat.
«Vaktsinatsiiadan keiin virýs juqtyrǵandardyń sanyna keletin bolsaq, búginde bul 29 212 adam nemese vaktsinalanǵandardyń 0,37% syrqattanǵan. Birinshi komponentten keiin – 8 631, ekinshi komponentten keiin – 20 581 adam. Vaktsinalardyń túri boiynsha jiktesek, «Spýtnik V» – 24 766 nemese egilgender sanynyń 0,4% (birinshi komponent – 7 319, ekinshi komponent – 17 447). QazVac boiynsha ekpe alaǵandardyń 0,2% nemese 655 adam. 255 adam birinshi komponentten keiin, 400 adam ekinshi komponentten keiin», - dep túsindirdi Aijan Esmaǵambetova.
Onyń sózine qaraǵanda, CoronaVac vaktsinasyn alǵandardyń 0,3% nemese 824 adam (birinshi komponentten keiin – 264, ekinshi komponentten keiin – 560) virýs juqtyrǵan. Sinofarm boiynsha 2930 adam nemese ekpe qabyldaǵandardyń 0,2% (birinshi komponentten keiin – 781, ekinshi komponentten keiin – 21 049) koronavirýsqa shaldyqqan.
«Sondai-aq, Pfizer boiynsha – 23, Astra Zeneca boiynsha – 4, Moderna boiynsha – 3 jaǵdai tirkeldi. Iaǵni, vaktsina alǵandardyń arasynda virýs juqtyrǵandardyń úlesi áli de az» - dedi komitet basshysy.
