كوروناۆيرۋسقا قارسى ۆاكتسينا العان ادامدار اراسىندا ۆيرۋس جۇقتىرۋ كٶرسەتكٸشٸ قانداي? بۇل سۇراققا ورتالىق كوممۋنيكاتسييالار قىزمەتٸندە ٶتكەن بريفينگٸدە قر دەنساۋلىق ساقتاۋ مينيسترلٸگٸ سانيتارلىق-ەپيدەميولوگييالىق باقىلاۋ كوميتەتٸنٸڭ تٶرايىمى ايجان ەسماعامبەتوۆا جاۋاپ بەردٸ, دەپ حابارلايدى قازاقپارات.
«ۆاكتسيناتسييادان كەيٸن ۆيرۋس جۇقتىرعانداردىڭ سانىنا كەلەتٸن بولساق, بٷگٸندە بۇل 29 212 ادام نەمەسە ۆاكتسينالانعانداردىڭ 0,37% سىرقاتتانعان. بٸرٸنشٸ كومپونەنتتەن كەيٸن – 8 631, ەكٸنشٸ كومپونەنتتەن كەيٸن – 20 581 ادام. ۆاكتسينالاردىڭ تٷرٸ بويىنشا جٸكتەسەك, «سپۋتنيك V» – 24 766 نەمەسە ەگٸلگەندەر سانىنىڭ 0,4% (بٸرٸنشٸ كومپونەنت – 7 319, ەكٸنشٸ كومپونەنت – 17 447). QazVac بويىنشا ەكپە الاعانداردىڭ 0,2% نەمەسە 655 ادام. 255 ادام بٸرٸنشٸ كومپونەنتتەن كەيٸن, 400 ادام ەكٸنشٸ كومپونەنتتەن كەيٸن», - دەپ تٷسٸندٸردٸ ايجان ەسماعامبەتوۆا.
ونىڭ سٶزٸنە قاراعاندا, CoronaVac ۆاكتسيناسىن العانداردىڭ 0,3% نەمەسە 824 ادام (بٸرٸنشٸ كومپونەنتتەن كەيٸن – 264, ەكٸنشٸ كومپونەنتتەن كەيٸن – 560) ۆيرۋس جۇقتىرعان. Sinofarm بويىنشا 2930 ادام نەمەسە ەكپە قابىلداعانداردىڭ 0,2% (بٸرٸنشٸ كومپونەنتتەن كەيٸن – 781, ەكٸنشٸ كومپونەنتتەن كەيٸن – 21 049) كوروناۆيرۋسقا شالدىققان.
«سونداي-اق, Pfizer بويىنشا – 23, Astra Zeneca بويىنشا – 4, Moderna بويىنشا – 3 جاعداي تٸركەلدٸ. ياعني, ۆاكتسينا العانداردىڭ اراسىندا ۆيرۋس جۇقتىرعانداردىڭ ٷلەسٸ ەلٸ دە از» - دەدٸ كوميتەت باسشىسى.
