Astanalyq zerthana koronavirýsqa qarsy ekpe jasatqan adamdardyń immýnitetinde qandai ózgerister bolǵanyn anyqtady, dep habarlaidy QazAqparat.
«OLIMP» klinikalyq-diagnostikalyq zerthanalar jelisi SARS-CoV-2 koronavirýsyna karsy ekpe jasatqan patsientterde postvaktsinalyq antideneniń bar-joǵyn tekseretin taldaý jasaidy.
7 maýsym men 4 tamyz aralyǵynda Nur-Sultan qalasynda atalmysh zerthanada postvaktsinalyq antideneni anyqtaý úshin 962 patsient qan tapsyrǵan bolatyn.
Patsientter 6 túrli ekpe alǵan.
Naqty aitsaq, 866 patsient - «Spýtnik V» vaktsinasyn, 58 adam - Hayat-Vax, 14 adam - otandyq QazVac, 12 patsient - CoronaVac ekpesin, 9 adam - Pfizer vaktsinasyn, 3 adam - AstraZeneca saldyrǵan.
- Zertteý nátijesi boiynsha «Spýtnik V» saldyrǵandardyń 97%-nda, Hayat-Vax alǵandardyń 90%-nda, QazVac ektirgenderdiń 79%-nda, CoronaVac alǵandardyń 92%-nda, Pfizer jáne AstraZeneca saldyrǵandardyń 100%-nda postvaktsinalyq antidene bar ekeni anyqtaldy. Árine, ázirshe zertteýden ótken patsientterdiń sany onsha kóp emes, sondyqtan da taldaý tapsyrǵandardyń qatary ósken saiyn kórsetkishter aitarlyqtai ózgerýi múmkin, - dep atap ótti kompaniianyń bas direktory Erlan Súleimenov.
Vaktsina | Patsientter sany | Antideneniń bar-joǵy |
Spýtnik V | 866 | 97% |
Hayat-Vax | 58 | 90% |
QazVac | 14 | 79% |
CoronaVac | 12 | 92% |
Pfizer | 9 | 100% |
AstraZeneca | 3 | 100% |
Postvaktsinalyq antideneniń bar-joǵyn tekserýge arnalǵan taldaý «SARS-CoV-2 koronavirýsynyń S-aqýyzyna qarsy G immýnoglobýlinderin anyqtaityn immýnofermenttik taldaý» dep atalady.
Ekpe salǵannan keiin aǵzamyz koronavirýstyń S-aqýyzyna qarsy antidene qalyptastyryp, immýndyq jaýap beredi.
Patsient qanynyń sarysýynda koronavirýstyń S-aqýyzyna qarsy antideneniń anyqtalýy vaktsina nátijesinde immýndyq qorǵanyshtyń qalyptasqanyn bildiredi.
Postvaktsinalyq antideneniń bar-joǵyn anyqtaýǵa baǵyttalǵan taldaý sapalyq sipatqa ie. Ol ekpe nátijesinde koronavirýsqa qarsy immýnitet qalyptasty ma, joq pa degen saýalǵa jaýap beredi.
Bul taldaýdy immýnizatsiiadan keiin belgili bir ýaqyt ótkennen keiin ǵana tapsyrý qajet. Naqty aitsaq, taldaý vaktsinanyń ekinshi dozasyn alǵan soń 3 apta ótkende tapsyrylady.
