استانالىق زەرتحانا كوروناۆيرۋسقا قارسى ەكپە جاساتقان ادامداردىڭ يممۋنيتەتٸندە قانداي ٶزگەرٸستەر بولعانىن انىقتادى, دەپ حابارلايدى قازاقپارات.
«وليمپ» كلينيكالىق-دياگنوستيكالىق زەرتحانالار جەلٸسٸ SARS-CoV-2 كوروناۆيرۋسىنا كارسى ەكپە جاساتقان پاتسيەنتتەردە پوستۆاكتسينالىق انتيدەنەنٸڭ بار-جوعىن تەكسەرەتٸن تالداۋ جاسايدى.
7 ماۋسىم مەن 4 تامىز ارالىعىندا نۇر-سۇلتان قالاسىندا اتالمىش زەرتحانادا پوستۆاكتسينالىق انتيدەنەنٸ انىقتاۋ ٷشٸن 962 پاتسيەنت قان تاپسىرعان بولاتىن.
پاتسيەنتتەر 6 تٷرلٸ ەكپە العان.
ناقتى ايتساق, 866 پاتسيەنت - «سپۋتنيك V» ۆاكتسيناسىن, 58 ادام - Hayat-Vax, 14 ادام - وتاندىق QazVac, 12 پاتسيەنت - CoronaVac ەكپەسٸن, 9 ادام - Pfizer ۆاكتسيناسىن, 3 ادام - AstraZeneca سالدىرعان.
- زەرتتەۋ نەتيجەسٸ بويىنشا «سپۋتنيك V» سالدىرعانداردىڭ 97%-ندا, Hayat-Vax العانداردىڭ 90%-ندا, QazVac ەكتٸرگەندەردٸڭ 79%-ندا, CoronaVac العانداردىڭ 92%-ندا, Pfizer جەنە AstraZeneca سالدىرعانداردىڭ 100%-ندا پوستۆاكتسينالىق انتيدەنە بار ەكەنٸ انىقتالدى. ەرينە, ەزٸرشە زەرتتەۋدەن ٶتكەن پاتسيەنتتەردٸڭ سانى ونشا كٶپ ەمەس, سوندىقتان دا تالداۋ تاپسىرعانداردىڭ قاتارى ٶسكەن سايىن كٶرسەتكٸشتەر ايتارلىقتاي ٶزگەرۋٸ مٷمكٸن, - دەپ اتاپ ٶتتٸ كومپانييانىڭ باس ديرەكتورى ەرلان سٷلەيمەنوۆ.
ۆاكتسينا | پاتسيەنتتەر سانى | انتيدەنەنٸڭ بار-جوعى |
سپۋتنيك V | 866 | 97% |
Hayat-Vax | 58 | 90% |
QazVac | 14 | 79% |
CoronaVac | 12 | 92% |
Pfizer | 9 | 100% |
AstraZeneca | 3 | 100% |
پوستۆاكتسينالىق انتيدەنەنٸڭ بار-جوعىن تەكسەرۋگە ارنالعان تالداۋ «SARS-CoV-2 كوروناۆيرۋسىنىڭ S-اقۋىزىنا قارسى G يممۋنوگلوبۋليندەرٸن انىقتايتىن يممۋنوفەرمەنتتٸك تالداۋ» دەپ اتالادى.
ەكپە سالعاننان كەيٸن اعزامىز كوروناۆيرۋستىڭ S-اقۋىزىنا قارسى انتيدەنە قالىپتاستىرىپ, يممۋندىق جاۋاپ بەرەدٸ.
پاتسيەنت قانىنىڭ سارىسۋىندا كوروناۆيرۋستىڭ S-اقۋىزىنا قارسى انتيدەنەنٸڭ انىقتالۋى ۆاكتسينا نەتيجەسٸندە يممۋندىق قورعانىشتىڭ قالىپتاسقانىن بٸلدٸرەدٸ.
پوستۆاكتسينالىق انتيدەنەنٸڭ بار-جوعىن انىقتاۋعا باعىتتالعان تالداۋ ساپالىق سيپاتقا يە. ول ەكپە نەتيجەسٸندە كوروناۆيرۋسقا قارسى يممۋنيتەت قالىپتاستى ما, جوق پا دەگەن ساۋالعا جاۋاپ بەرەدٸ.
بۇل تالداۋدى يممۋنيزاتسييادان كەيٸن بەلگٸلٸ بٸر ۋاقىت ٶتكەننەن كەيٸن عانا تاپسىرۋ قاجەت. ناقتى ايتساق, تالداۋ ۆاكتسينانىڭ ەكٸنشٸ دوزاسىن العان سوڭ 3 اپتا ٶتكەندە تاپسىرىلادى.
