Salaýatty ómir saltyn ustanatyn adamdarda vaktsina alǵannan keiin immýnitet jyldam qalyptasady, dep habarlaidy QazAqparat.
Respýblikalyq diagnostikalyq ortalyqtyń klinikalyq immýnologiia, allergologiia jáne pýlmonologiia bóliminiń meńgerýshisi, meditsina ǵylymdarynyń doktory Elena Kovzel vaktsina alǵannan keiin adamǵa bosańsýǵa bolmaitynyn eskertti.
«Vaktsina alǵanan keiin de adam óziniń immýndyq júiesiniń belsendiligin qoldap, virýstyń qarqyndy áserinen qorǵanýy kerek. Sondyqtan salaýatty ómir saltyn saqtaýdyń mańyzy zor.
Immýndyq júieni qýattandyryp otyrý úshin qunarly tamaqtaný qajet. Jasýshalardyń jumysy qalypty bolýy úshin dárýmender men mikroelementterdiń bolǵany jaqsy. Tamaqqa qosylatyn túrli qospalardy paidalaný mindetti emes. Balǵyn jemis pen kókónis, sarymsaq jeýge bolady. Qarapaiym, qalypty tamaqtanǵan jón. Tamaq quramyndaǵy maidyń mólsheri de qalypty bolýy kerek», - dedi meditsina ǵylymdarynyń doktory onlain dáriste.
Elena Kovzel vaktsina aǵzaǵa immýndyq qýat berý úshin barynsha salaýatty ómir saltyn ustaný qajet dep otyr.
«Adamnyń qozǵalysy da qalypty bolǵany mańyzdy. Qozǵalys arqyly mikrotizbek jaqsy júredi. Al ol immýndyq júieniń jaqsy jumys isteýin qamtamasyz etedi. Qan ainalamynyń jaqsy júrýi bizdiń immýndyq júiemizge jaqsy qoldaý bolady. Kúizelisten aýlaq bolýǵa tyrysý kerek. Strestegi adamnyń immýniteti túsińki bolady. Adam ózin sabyrly ustap, senimdi júrse, immýniteti de báseńdemeidi. Ondai adamdy infektsiia da ala almaidy», - dedi dáriger.
