Qoǵamdyq oryndy lastaǵan 4 birdei jolserik ákimshilik jaýapkershilikke tartyldy, dep habarlaidy "Ult aqparat" kóliktegi politsiia departamentine silteme jasap.
Dostyq stantsiiasynyń kólik politseileri «Taza Qazaqstan» jedel profilaktikalyq is-sharasy aiasynda «Dostyq-Nur-Sultan» baǵytyndaǵy jolaýshylar poiyzynyń 4 birdei jolserikterin ÁQBtK 434-baby 2-bóligi iaǵni, ortaq paidalanylatyn oryndardy lastaý faktisimen ákimshilik jaýapqa tartty.
Kólik politseileri tekserý barysynda jolserikterdiń Nur-Sultan qalasynyń 1968, 1971, 1976, 1990 jylǵy turǵyndary ekeni anyqtaldy.
«Quqyqbuzýshy jolserikter vagonnan shyqqan komýnaldyq qaldyqtardy Dostyq stantsiiasyndaǵy temir jol vokzalynyń mańaiyna tastap, qoǵamdyq oryndy lastaǵan. Jolserikterge 5 AEK mólsherinde ákimshilik aiyppul salyndy» dep málim etti kólik politseileri.
Eske sala keteiik, 23 shilde men 30 tamyz aralyǵynda Kóliktegi politsiia departamenti men onyń jelilik bólinisteriniń qyzmet kórsetý aýmaǵynda «Taza Qazaqstan» ekologiialyq aktsiiasy ótip jatyr.
Aktsiianyń maqsaty – azamattardy qoǵamdyq ortany taza saqtaýǵa shaqyra otyryp, ekologiialyq zańbuzýshylyqtardy anyqtaý jáne onyń aldyn alý.
