Jambyl oblysynda logistikalyq kompaniia qyzmetkerleri retinde tanysyp, temirjol vagondaryn alyp beremiz degen jeleýmen 22 mln teńgege jýyq qarjyny iemdengen eki kúdikti ustaldy, dep habarlaidy ult.kz.
Olardy Jambyl oblysy politsiia departamentiniń Kiberqylmysqa qarsy is-qimyl basqarmasy men tergeý bólimshesiniń qyzmetkerleri júrgizgen jedel-izdestirý sharalary barysynda Almatydan qolǵa túsirgen.
Tergeý málimetinshe, kúdiktiler jábirlenýshiniń senimine kirip, logistikalyq kompaniia atynan temirjol vagondaryn usynǵan. Osy syltaýmen odan shamamen 22 mln teńge alǵan.
Atalǵan fakti boiynsha sotqa deiingi tergeý bastaldy. Kúdiktiler sot sanktsiiasymen qamaýǵa alyndy.
Qazirgi ýaqytta qylmystyq is boiynsha tergeý amaldary jalǵasyp jatyr.
Buǵan deiin memlekettik sýbsidiialardy jymqyrdy degen kúdikke ilingen azamattyń Grýziiadan Qazaqstanǵa ekstraditsiialanǵanyn jazǵan bolatynbyz.
