جامبىل وبلىسىندا لوگيستيكالىق كومپانييا قىزمەتكەرلەرٸ رەتٸندە تانىسىپ, تەمٸرجول ۆاگوندارىن الىپ بەرەمٸز دەگەن جەلەۋمەن 22 ملن تەڭگەگە جۋىق قارجىنى يەمدەنگەن ەكٸ كٷدٸكتٸ ۇستالدى, دەپ حابارلايدى ult.kz.
ولاردى جامبىل وبلىسى پوليتسييا دەپارتامەنتٸنٸڭ كيبەرقىلمىسقا قارسى ٸس-قيمىل باسقارماسى مەن تەرگەۋ بٶلٸمشەسٸنٸڭ قىزمەتكەرلەرٸ جٷرگٸزگەن جەدەل-ٸزدەستٸرۋ شارالارى بارىسىندا الماتىدان قولعا تٷسٸرگەن.
تەرگەۋ مەلٸمەتٸنشە, كٷدٸكتٸلەر جەبٸرلەنۋشٸنٸڭ سەنٸمٸنە كٸرٸپ, لوگيستيكالىق كومپانييا اتىنان تەمٸرجول ۆاگوندارىن ۇسىنعان. وسى سىلتاۋمەن ودان شامامەن 22 ملن تەڭگە العان.
اتالعان فاكتٸ بويىنشا سوتقا دەيٸنگٸ تەرگەۋ باستالدى. كٷدٸكتٸلەر سوت سانكتسيياسىمەن قاماۋعا الىندى.
قازٸرگٸ ۋاقىتتا قىلمىستىق ٸس بويىنشا تەرگەۋ امالدارى جالعاسىپ جاتىر.
بۇعان دەيٸن مەملەكەتتٸك سۋبسيدييالاردى جىمقىردى دەگەن كٷدٸككە ٸلٸنگەن ازاماتتىڭ گرۋزييادان قازاقستانعا ەكستراديتسييالانعانىن جازعان بولاتىنبىز.
