Keibir beketter benzin men dizel otynyn birden qymbattatyp jibergen, dep habarlaidy QazAqparat.
Túrkistan oblysy ákiminiń orynbasary Rashid Aiýpov óńirdegi janarmai tapshylyǵy Pavlodar zaýytynyń ýaqytsha jóndeý jumystaryna toqtaýyna tikelei bailanysty ekenin aitty.
«Búgingi kúni oblysty jalǵyz Shymkenttegi munai óńdeý zaýyty janarmaimen qamtamasyz etip otyr. Buǵan deiin arzan baǵany ustaý úshin janarmai temir jol arqyly Pavlodardan jáne Shymkentten tasymaldanatyn. Búgingi kúni «PetroQazaqstannyń» vagondarynda benzin joq. Úlken janarmai satatyn beketterge óz kompaniialary tikelei jetkizip jatyr. Al, jeke janarmai beketteriniń ieleri joldyń aqyly bolýyna bailanysty tasymaldaýǵa qarsylyq bildirdi. Bul - tikelei Energetika ministrliginiń jaýapkershiliginde. Biz bul týraly aqparatty berdik. Kelissóz júrgizildi. «Shnos» kompaniiasy oblys úshin kóbirek benzin beretin boldy», - dedi Rashid Aiýpov.
Energetika ministrligi men «Shnos» kompaniiasy ókilderiniń sózine sensek, eki kún ishinde másele tolyǵymen sheshilýi kerek.
Al, demalysqa deiin shalǵaida ornalasqan Shardara, Maqtaral aýdandaryna da jetkiziledi.
Taǵy bir aita keterligi, janarmai tapshylyǵy týyndaǵan tusta keibir beketter benzin men dizel otynyn qymbattatyp jibergen.
Bul baǵytta monitoring toby baqylaý júrgizip, isti monopoliiaǵa qarsy kúres departamentine ótkizip jatyr.
Búginde janarmai stantsiialary arnaiy talon arqyly birinshi kezekte memlekettik mekeme kólikterin janarmaimen qamtyp otyr.
