Elordada álemge tanymal shved jazýshysy Astrid Lindgrenniń qazaq tilindegi «Uzynshulyq Pippi» kitaby tanystyryldy, dep habarlaidy "Ult aqparat" «Foliant» baspasyna silteme jasap.
Sharaǵa Shvetsiia Koroldiginiń Qazaqstandaǵy Tótenshe jáne Ókiletti Elshisi Mats Foier, jazýshylar, jýrnalister jáne qoǵam belsendileri keldi.
«QR Prezidenti Qasym-Jomart Toqaev «Táýelsizdik bárinen qymbat» atty maqalasynda balalar ádebietine erekshe mán berip, «Til igerý úshin balalar ádebietiniń atqaratyn róli zor. Sondyqtan qazaq qalamgerleriniń úzdik shyǵarmalaryna qosa, balalarǵa arnalǵan shetel jazýshylarynyń da tańdaýly týyndylaryn aýdaryp, kóptep basyp shyǵarýdy jáne taratýdy qolǵa alǵan jón» degen bolatyn. 2021 jyl – Qazaqstandaǵy balalar men jasóspirimderdiń kitap oqýyn qoldaý jyly bolyp jariialanǵandyǵy da belgili. Osy maqsatta «Foliant» baspasy qazirgi urpaqtyń pshologiiasyna tán, tálim-tárbielik mańyzy bar sapaly týyndylardy basyp shyǵarýdy, álemdik ádebiette orny bar keleli shyǵarmalardy aýdarýdy qolǵa alyp otyr», - dep habarlady baspa úii.
Kitapty qazaq tiline aýdarǵan Mira Sembaiqyzy shyǵarmany tolyq aýdarýǵa úsh aidai ýaqyt ketkenin aitty.
«Kóp balalaly ana bolǵandyqtan ózim de balalaryma arnalǵan qazaqsha kitaptar izdep internet-dúkenderdi aqtaryp otyratynmyn. Áigili shved jazýshysy Astrid Lindgrenniń «Pippi Uzynshulyq» shyǵarmasyn aýdarý men úshin úlken tájiribe, qyzyqty jumys boldy. Qazaq tilindegi balalar shyǵarmasyna taǵy bir kitaptyń qosylatyny jáne oǵan sebepker bolǵanym – úlken jetistik. Ózim de balalarǵa arnap shyǵarmalar jazyp júrgendikten, ári Pippidiń oqiǵalary jeńil, oinaqy bolǵandyqtan aýdarmada aitarlyqtai qiyndyq bolmady. Redaktormen «Pippi esimin Peppi, álde Pippi dep alamyz ba?» dep biraz talqyǵa salyp, túpnusqasyna súienip, Pippi nusqasyn tańdadyq», – dedi Mira Sembaiqyzy.
IýNESKO uiymynyń málimetinsha, Astrid Lindgren álemniń eń kóp aýdarylatyn 20 avtory arasynda 18-orynda, bul tizimde A. Lindgren Fedor Dostoevskii, ertegi patshasy Gans Hristian Andersendermen qatar tur. A. Lindgren ádebiet alańynda ǵana emes, Shvetsiiada qoǵamdyq pikir kóshbasshysy, eliniń belsendi jýrnalisi bolǵan.
76 jyl buryn jaryq kórgen «Uzynshulyq Pippi» eńbegi Shvetsiiada «Balaqai jáne shatyrda turatyn Karlson» kitabynan áldeqaida tanymal ekenin bireý bilse, bireý bile bermes. 2005 jyly IýNESKO álemde eń kóp aýdarylatyn kitaptar tizimin jariialady. Tizimge sáikes, Uzynshulyq Pippi 5-orynda. «Uzynshulyq Pippi» soǵystan keiingi shved balalary úshin bostandyq, ómirge degen súiispenshilik simvolyna ainaldy. Lindgren balalarǵa qarsy zorlyq-zombylyqty toqtatý men olarǵa degen qurmet sezimin qalyptastyrý qajettigin qoǵamǵa jetkizý úshin barlyq múmkindikti paidalandy. Barlyq kitaptarynan «erkin tárbieleý shekaranyń nemese ata-anaǵa qurmettiń joqtyǵyn bildirmeidi, bul ata-ananyń balaǵa qurmetin bildiredi», «Balańyzǵa shyń kóńilmen mán berińiz», «Balańyzdy qoldańyz», «Balańyzdy tyńdaýdy úirenińiz», «Balańyzben oinańyz», «Balańyzben sóilesińiz» jáne eń bastysy «Balańyzǵa qol kótermeńiz» degen ideia baiqalady.
