ەلوردادا ەلەمگە تانىمال شۆەد جازۋشىسى استريد ليندگرەننٸڭ قازاق تٸلٸندەگٸ «ۇزىنشۇلىق پيپپي» كٸتابى تانىستىرىلدى, دەپ حابارلايدى "ۇلت اقپارات" «فوليانت» باسپاسىنا سٸلتەمە جاساپ.
شاراعا شۆەتسييا كورولدٸگٸنٸڭ قازاقستانداعى تٶتەنشە جەنە ٶكٸلەتتٸ ەلشٸسٸ ماتس فويەر, جازۋشىلار, جۋرناليستەر جەنە قوعام بەلسەندٸلەرٸ كەلدٸ.
«قر پرەزيدەنتٸ قاسىم-جومارت توقاەۆ «تەۋەلسٸزدٸك بەرٸنەن قىمبات» اتتى ماقالاسىندا بالالار ەدەبيەتٸنە ەرەكشە مەن بەرٸپ, «تٸل يگەرۋ ٷشٸن بالالار ەدەبيەتٸنٸڭ اتقاراتىن رٶلٸ زور. سوندىقتان قازاق قالامگەرلەرٸنٸڭ ٷزدٸك شىعارمالارىنا قوسا, بالالارعا ارنالعان شەتەل جازۋشىلارىنىڭ دا تاڭداۋلى تۋىندىلارىن اۋدارىپ, كٶپتەپ باسىپ شىعارۋدى جەنە تاراتۋدى قولعا العان جٶن» دەگەن بولاتىن. 2021 جىل – قازاقستانداعى بالالار مەن جاسٶسپٸرٸمدەردٸڭ كٸتاپ وقۋىن قولداۋ جىلى بولىپ جارييالانعاندىعى دا بەلگٸلٸ. وسى ماقساتتا «فوليانت» باسپاسى قازٸرگٸ ۇرپاقتىڭ پسحولوگيياسىنا تەن, تەلٸم-تەربيەلٸك ماڭىزى بار ساپالى تۋىندىلاردى باسىپ شىعارۋدى, ەلەمدٸك ەدەبيەتتە ورنى بار كەلەلٸ شىعارمالاردى اۋدارۋدى قولعا الىپ وتىر», - دەپ حابارلادى باسپا ٷيٸ.
كٸتاپتى قازاق تٸلٸنە اۋدارعان ميرا سەمبايقىزى شىعارمانى تولىق اۋدارۋعا ٷش ايداي ۋاقىت كەتكەنٸن ايتتى.
«كٶپ بالالالى انا بولعاندىقتان ٶزٸم دە بالالارىما ارنالعان قازاقشا كٸتاپتار ٸزدەپ ينتەرنەت-دٷكەندەردٸ اقتارىپ وتىراتىنمىن. ەيگٸلٸ شۆەد جازۋشىسى استريد ليندگرەننٸڭ «پيپپي ۇزىنشۇلىق» شىعارماسىن اۋدارۋ مەن ٷشٸن ٷلكەن تەجٸريبە, قىزىقتى جۇمىس بولدى. قازاق تٸلٸندەگٸ بالالار شىعارماسىنا تاعى بٸر كٸتاپتىڭ قوسىلاتىنى جەنە وعان سەبەپكەر بولعانىم – ٷلكەن جەتٸستٸك. ٶزٸم دە بالالارعا ارناپ شىعارمالار جازىپ جٷرگەندٸكتەن, ەرٸ پيپپيدٸڭ وقيعالارى جەڭٸل, ويناقى بولعاندىقتان اۋدارمادا ايتارلىقتاي قيىندىق بولمادى. رەداكتورمەن «Pippi ەسٸمٸن پەپپي, ەلدە پيپپي دەپ الامىز با?» دەپ بٸراز تالقىعا سالىپ, تٷپنۇسقاسىنا سٷيەنٸپ, پيپپي نۇسقاسىن تاڭدادىق», – دەدٸ ميرا سەمبايقىزى.
يۋنەسكو ۇيىمىنىڭ مەلٸمەتٸنشا, استريد ليندگرەن ەلەمنٸڭ ەڭ كٶپ اۋدارىلاتىن 20 اۆتورى اراسىندا 18-ورىندا, بۇل تٸزٸمدە ا. ليندگرەن فەدور دوستوەۆسكيي, ەرتەگٸ پاتشاسى گانس حريستيان اندەرسەندەرمەن قاتار تۇر. ا. ليندگرەن ەدەبيەت الاڭىندا عانا ەمەس, شۆەتسييادا قوعامدىق پٸكٸر كٶشباسشىسى, ەلٸنٸڭ بەلسەندٸ جۋرناليسٸ بولعان.
76 جىل بۇرىن جارىق كٶرگەن «ۇزىنشۇلىق پيپپي» ەڭبەگٸ شۆەتسييادا «بالاقاي جەنە شاتىردا تۇراتىن كارلسون» كٸتابىنان ەلدەقايدا تانىمال ەكەنٸن بٸرەۋ بٸلسە, بٸرەۋ بٸلە بەرمەس. 2005 جىلى يۋنەسكو ەلەمدە ەڭ كٶپ اۋدارىلاتىن كٸتاپتار تٸزٸمٸن جارييالادى. تٸزٸمگە سەيكەس, ۇزىنشۇلىق پيپپي 5-ورىندا. «ۇزىنشۇلىق پيپپي» سوعىستان كەيٸنگٸ شۆەد بالالارى ٷشٸن بوستاندىق, ٶمٸرگە دەگەن سٷيٸسپەنشٸلٸك سيمۆولىنا اينالدى. ليندگرەن بالالارعا قارسى زورلىق-زومبىلىقتى توقتاتۋ مەن ولارعا دەگەن قۇرمەت سەزٸمٸن قالىپتاستىرۋ قاجەتتٸگٸن قوعامعا جەتكٸزۋ ٷشٸن بارلىق مٷمكٸندٸكتٸ پايدالاندى. بارلىق كٸتاپتارىنان «ەركٸن تەربيەلەۋ شەكارانىڭ نەمەسە اتا-اناعا قۇرمەتتٸڭ جوقتىعىن بٸلدٸرمەيدٸ, بۇل اتا-انانىڭ بالاعا قۇرمەتٸن بٸلدٸرەدٸ», «بالاڭىزعا شىڭ كٶڭٸلمەن مەن بەرٸڭٸز», «بالاڭىزدى قولداڭىز», «بالاڭىزدى تىڭداۋدى ٷيرەنٸڭٸز», «بالاڭىزبەن ويناڭىز», «بالاڭىزبەن سٶيلەسٸڭٸز» جەنە ەڭ باستىسى «بالاڭىزعا قول كٶتەرمەڭٸز» دەگەن يدەيا بايقالادى.
