Almaty oblysy Jambyl aýdanynda ótken jeksenbide joǵalǵan mal saýdasymen ainalysatyn Jarqynbek Doldanuly, Muqiiat Zarlyhanuly jáne Qadylbek Álimhan esimdi azamattardyń qaza bolǵany týraly buǵan deiin de habarlaǵan bolatynbyz. Joǵalǵan azamattardy qylmyskerler Uzynaǵash aýylynan 200 shaqyrym jerge aparyp, qumǵa kómip ketipti, dep habarlaidy "Ult aqparat" BAQ.kz-ke silteme jasap.
Búgin anyq bolǵanyndai úsh azamatty izdeýshi top Jambyl aýdandyq IIB aldynda jinalǵan kezde politseiler bul habardy marqumdardyń týystaryna estirken.
«Búgin tańerteń birneshe júz adam aýdandyq politsiia bólimine jinaldyq, sodan túske qarai politsiia basshylary olardyń súiekterin osydan 200 shaqyrymdai jerden tapqandaryn estirtti», - deidi joǵalǵan kisilerdiń týysy Adal Zarlyhan.
Marqumdardyń árqaisysynyń artynda ekiden, úshten jas balalary, qart ata-analary qalǵan. Buǵan deiin atalǵan oqiǵaǵa qatysy bar degen kúdikpen eki adamnyń ustalǵany týraly jazǵan bolatynbyz. Osy oqiǵaǵa bailanysty Almaty oblysy prokýrorynyń orynbasary Saiat Bakirov Jambyl aýdanyna arnaiy kelip, tergeý sharalaryn baqylaýǵa alǵan.
Esterińizge sala keteiik, Taldyqorǵan qalasyna jaqyn mańdaǵy Kóksý aýdanynyń 3 turǵyny Almaty jaqtaǵy Uzynaǵash bazarynda mal satamyz dep iz-túzsiz joǵalyp ketken bolatyn. Al keshe olardyń ekinshi júk kóligi tabylǵan bolatyn. Kólik Jambyl aýdanyna qarasty Degeres aýyly mańynan ekinshi júk kóligi tabyldy.
