الماتى وبلىسى جامبىل اۋدانىندا ٶتكەن جەكسەنبٸدە جوعالعان مال ساۋداسىمەن اينالىساتىن جارقىنبەك دولدانۇلى, مۇقييات زارلىحانۇلى جەنە قادىلبەك ەلٸمحان ەسٸمدٸ ازاماتتاردىڭ قازا بولعانى تۋرالى بۇعان دەيٸن دە حابارلاعان بولاتىنبىز. جوعالعان ازاماتتاردى قىلمىسكەرلەر ۇزىناعاش اۋىلىنان 200 شاقىرىم جەرگە اپارىپ, قۇمعا كٶمٸپ كەتٸپتٸ, دەپ حابارلايدى "ۇلت اقپارات" BAQ.kz-كە سٸلتەمە جاساپ.
بٷگٸن انىق بولعانىنداي ٷش ازاماتتى ٸزدەۋشٸ توپ جامبىل اۋداندىق ٸٸب الدىندا جينالعان كەزدە پوليتسەيلەر بۇل حاباردى مارقۇمداردىڭ تۋىستارىنا ەستٸركەن.
«بٷگٸن تاڭەرتەڭ بٸرنەشە جٷز ادام اۋداندىق پوليتسييا بٶلٸمٸنە جينالدىق, سودان تٷسكە قاراي پوليتسييا باسشىلارى ولاردىڭ سٷيەكتەرٸن وسىدان 200 شاقىرىمداي جەردەن تاپقاندارىن ەستٸرتتٸ», - دەيدٸ جوعالعان كٸسٸلەردٸڭ تۋىسى ادال زارلىحان.
مارقۇمداردىڭ ەرقايسىسىنىڭ ارتىندا ەكٸدەن, ٷشتەن جاس بالالارى, قارت اتا-انالارى قالعان. بۇعان دەيٸن اتالعان وقيعاعا قاتىسى بار دەگەن كٷدٸكپەن ەكٸ ادامنىڭ ۇستالعانى تۋرالى جازعان بولاتىنبىز. وسى وقيعاعا بايلانىستى الماتى وبلىسى پروكۋرورىنىڭ ورىنباسارى سايات باكيروۆ جامبىل اۋدانىنا ارنايى كەلٸپ, تەرگەۋ شارالارىن باقىلاۋعا العان.
ەستەرٸڭٸزگە سالا كەتەيٸك, تالدىقورعان قالاسىنا جاقىن ماڭداعى كٶكسۋ اۋدانىنىڭ 3 تۇرعىنى الماتى جاقتاعى ۇزىناعاش بازارىندا مال ساتامىز دەپ ٸز-تٷزسٸز جوعالىپ كەتكەن بولاتىن. ال كەشە ولاردىڭ ەكٸنشٸ جٷك كٶلٸگٸ تابىلعان بولاتىن. كٶلٸك جامبىل اۋدانىنا قاراستى دەگەرەس اۋىلى ماڭىنان ەكٸنشٸ جٷك كٶلٸگٸ تابىلدى.
