QR Qoǵamdyq damý ministrligi úkimettik emes uiymdarynan syilyqaqy alýǵa ótinimderdi qabyldaýdy jalǵastyrýda. Syilyqaqy mólsheri 2000 AEK-ti (4,5 mln teńgeden asa) quraidy.
Syilyqaqy áleýmettik máselelerdi sheshýge úles qosqan úkimettik emes uiymdarǵa 15 baǵyt boiynsha beriledi.
Konkýrsqa Qazaqstan Respýblikasynyń aýmaǵynda tirkelgen jáne ÚEU derekter bazasyna málimetterin ýaqytyly tapsyryp otyratyn úkimettik emes uiymdar qatysa alady. Bir úkimettik emes uiym bir mezette birneshe nominatsiia boiynsha syilyqaqyǵa úmitker bola almaidy.
Úkimettik emes uiymdardyń baiqaýǵa qatysý týraly ótinishteri Azamattyq qoǵam isteri komitetine jiberilýi tiis. Baiqaýǵa qatysý úshin ótinish jáne saýalnama nysany, syilyqaqyǵa úmitker uiymnyń qyzmetiniń sipattamasy, qoǵamdastyq ókilderiniń usynymdary (ÚEU) jáne (nemese) memlekettik organdardyń usynymdary, úkimettik emes uiymdardy memlekettik tirkeý (qaita tirkeý) týraly quryltai qujattarynyń jáne kýáliginiń (anyqtamanyń) kóshirmeleri, bank shotynyń bolýy týraly anyqtama (túpnusqa) bolýy kerek. Qujattar aǵymdaǵy jyly 1 qyrkúiekke deiin qabyldanady.
Úkimettik emes uiymdarǵa syilyqaqy – úkimettik emes sektordy memlekettik qoldaýdyń bir túri sanalady. Syilyqaqy azamattyq qoǵamdy damytý, onyń áleýetin arttyrý jáne qoǵamdyq uiymdardy yntylandyrý maqsatynda qaitarymsyz beriledi.
Baiqaý jyl saiyn ótkiziledi jáne biyl ekinshi ret ótkizilip otyr. Byltyr 59 ÚEU ókilderi syilyqaqy aldy.
Syilyqaqyny alý boiynsha kelesi siltemede tanysýǵa bolady: https://diakom.gov.kz/ru/content/prikazy-0
.jpeg)